Home தமிழகம் 'எல்லா மாவட்டங்களிலும் சித்த மருத்துவமனை அமையுங்கள்' முதல்வருக்கு பழ நெடுமாறன் கோரிக்கை

‘எல்லா மாவட்டங்களிலும் சித்த மருத்துவமனை அமையுங்கள்’ முதல்வருக்கு பழ நெடுமாறன் கோரிக்கை

கொரோனா நோய்த் தொற்று கடந்த ஆண்டு டிசம்பர் மாதத்தில் சீனாவில் தொடங்கியது. கடும் பாதிப்பை விளைவித்த இந்நோய் தொற்று அடுத்து உலகம் முழுவதும் பாதிக்கத் தொடங்கியது. அமெரிக்கா, ரஷ்யா போன்ற வல்லரசு நாடுகள் கூட கொரோனா நோய்த் தொற்றைச் சமாளிக்கப் படாதபாடு பட்டு வருகின்றன.

'எல்லா மாவட்டங்களிலும் சித்த மருத்துவமனை அமையுங்கள்' முதல்வருக்கு பழ நெடுமாறன் கோரிக்கை

corona plasma

இந்தியாவில் இந்த ஆண்டு மார்ச் மாதம் முதல் கொரோனா நோய்த் தொற்றல் அதிகரித்தது. அது விரைவாக அதிகரித்து வருவது பெரும் அச்சத்தை விளைவித்து வருகிறது. தமிழ்நாட்டில் இன்று (ஜூலை 11) வரையில் 1,34,226 பேர் கொரோனா நோய்த் தொற்றால் பாதிப்படைந்துள்ளனர். 85,915 பேர் நலம் பெற்று வீடு திரும்பியுள்ளனர். 44,410 பேர் சிகிச்சையில் உள்ளனர். 1898 பேர் மரணமடைந்துவருகின்றனர்.

இந்த நிலையில் அலோபதி சிகிச்சை மட்டுமல்லாது சித்த மருத்துவ சிகிச்சையையும் பரவலாக அளிக்க வேண்டும் என தமிழர் தேசிய முன்னணியின் தலைவர் பழ. நெடுமாறன் தெரிவித்துள்ளார்

pazha nedumaran

அவர் வெளியிட்டுள்ள அறிக்கையில், ‘சென்னையில் கொரோனா நோயினால் பாதிக்கப்பட்டவர்களுக்குத் தனியாக அமைக்கப்பட்ட சித்த மருத்துவமனையில் அனுமதிக்கப்பட்ட 1050-க்கும் மேற்பட்டவர்களுக்கு சித்த மருந்துகள் கொடுக்கப்பட்டு அவர்களில் 750-பேர் முழுமையாக நலம் பெற்றுத் திரும்பியுள்ளனர், 300-பேர் சிகிச்சைப் பெற்று வருகிறார்கள், அனுமதிக்கப்பட்ட நோயாளிகளில் ஒரு உயிரிழப்புக் கூட ஏற்படவில்லை என அம்மருத்துவமனையின் மருத்துவர் வீரபாபு அறிவித்திருக்கும் செய்தி அனைவருக்கும் மகிழ்ச்சியை அளிக்கிறது. இதற்காக அவரையும், அவருடன் தொண்டாற்றி வரும் சித்த மருத்துவப் பணியாளர்களையும் மனமாறப் பாராட்டுகிறேன்.

பல மாவட்டங்களிலும் கொரோனா நோய் பரவிக் கொண்டிருக்கும் இவ்வேளையில், அலோபதி மருத்துவமனைகளில் சிகிச்சை அளிப்பதோடு, சித்த மருத்துவ முறையிலும் சிகிச்சை அளிக்க ஏற்பாடுகள் செய்யப்பட வேண்டும். கொரோனா நோய் பரவியிருக்கும் மாவட்டங்களிலும் மாவட்டத்திற்கு ஒன்றாக சித்த மருத்துவமனைகளைத் திறந்து, சித்த மருத்துவமுறையில் சிகிச்சை அளிக்க முன் வருமாறு தமிழக சுகாதாரத்துறை அமைச்சரையும், முதலமைச்சரையும் வேண்டிக்கொள்கிறேன்.’ என்று முதல்வருக்கு கோரிக்கை வைத்திருக்கிறார்.

'எல்லா மாவட்டங்களிலும் சித்த மருத்துவமனை அமையுங்கள்' முதல்வருக்கு பழ நெடுமாறன் கோரிக்கை
-Advertisement-

மாவட்ட செய்திகள்

-Advertisement-

சமீபத்திய செய்திகள்

“அதிமுக ஆட்சியில் கோவில் சிலை திருட்டுகள் மறைப்பு” – வெளியான பகீர் தகவல்!

தமிழ்நாட்டில் இந்து சமய அறநிலைய துறை கட்டுப்பாட்டில் உள்ள கோவில்களின் சொத்துக்கள், நகைகள் குறித்த விவரங்கள் அடங்கிய பதிவேடு காணாமல் போயுள்ளதாகவும், கோவில் சிலைகள், நகைகள் காணாமல் போயுள்ளதாகவும் கூறி...

’’அடிபணிந்துவிட்டார்; ஆட்சிக்கான முடிவுரையை அவரே எழுதிக் கொண்டுவிட்டார்’’

நடந்து முடிந்த தேர்தலில் புதுச்சேரி மாநிலத்தில் என்.ஆர்.காங்கிரஸ் -பாஜகவும் கூட்டணி வெற்றி பெற்றது. இதில், என்.ஆர்.காங்கிரஸ் ரங்கசாமி கொரோனாவினால் மருத்துவமனையில் இருந்த சமயத்தில் கொல்லைப்புறமாக வந்து பாஜக ஆட்சி அமைக்க...

அடுத்த 5 நாட்களுக்கு இந்த மாவட்டங்களில் மிக கனமழை கொட்டும் : வானிலை ஆய்வு மையம் தகவல்!

தென்மேற்கு பருவக் காற்றின் காரணமாக தமிழ்நாட்டில் அடுத்த 24 மணி நேரத்தில் நீலகிரி மாவட்டத்தில் ஓரிரு இடங்களில் கன முதல் மிக கனமழையும், கோயம்புத்தூர் மாவட்டத்தில் ஓரிரு இடங்களில் கனமழை...

“ஒரே மதம்னு சொல்லி மத யானை மாதிரி என்னை வேட்டையாடிட்டான் ” – காதலன் மீது புகாரளித்த காதலி .

காதலியை மதம் மாற சொல்லி ,பலாத்காரம் செய்த ஒரு காதலனை போலீசார் கைது செய்தனர்.
- Advertisment -
TopTamilNews