கொரிய தொடர்பு அலுவலகத்தில் வடகொரியா குண்டு வீசி தகர்த்தது – தென்கொரியா குற்றச்சாட்டு

பியோங்யாங்: கொரிய தொடர்பு அலுவலகத்தில் வடகொரியா குண்டு வீசி தகர்த்ததாக தென்கொரியா குற்றச்சாட்டு தெரிவித்துள்ளது.

கொரிய தீபகற்பத்தில் பதட்டங்கள் தொடர்ந்து அதிகரித்து வருவதால், இன்று காலை இரு நாடுகளுக்கிடையேயான எல்லைக்கு வடக்கே கொரியா இடையேயான தொடர்பு அலுவலக கட்டிடத்தை வடகொரியா இடித்ததாக தென்கொரியா குற்றம் சாட்டியுள்ளது.

வடகொரிய எல்லை நகரமான கேசோங்கில் உள்ள தொடர்பு அலுவலகம் இன்று பிற்பகல் ராணுவத்தினரால் குண்டு வைத்து தகர்க்கப்பட்டதாக வடகொரியாவுடனான உறவுகளை கையாளும் தென்கொரியாவின் ஒருங்கிணைப்பு அமைச்சகம் கூறியுள்ளது.

இம்மாத தொடக்கத்தில் தென்கொரியாவுடனான தொடர்பு அலுவலகத்தை நிரந்தரமாக மூடுவதாக வடகொரியா அச்சுறுத்தியது. ஏனெனில் வடகொரிய எதிர்ப்பு துண்டுப்பிரசுரங்களை எல்லைக்கு அப்பால் செயற்பாட்டாளர்கள் அனுப்புவதைத் தடுக்கத் தவறியதற்காக தென்கொரியாவை கண்டித்தனர்.