மனிதர்களின் வயதை குறைக்கும் சோதனையில் ஆராய்ச்சியாளர்கள்....! 70% வெற்றி!

எலிகளின் வயதை குறைக்கும் சோதனை 70% வெற்றி பெற்றுள்ள நிலையில், இச்சோதனை மனிதர்கள் மீது நடத்தப்பட்டால் முதியவரை இளைஞராக மாற்ற முடியும் என ஆராய்ச்சியாளர்கள் நம்பிக்கை தெரிவித்துள்ளனர். 

அமெரிக்காவின் கலிபோர்னியா பல்கலைக்கழகத்தை சேர்ந்த ஆராய்ச்சியாளர்கள் மனிதர்களின் வயதை குறைக்கும் சோதனையில் ஈடுபட்டு வருகின்றனர். அதாவது முதுமையில் உள்ளவர்களை இளமையானவர்களாக மாற்றும் சோதனை அது. இது தொடர்பாக எலிகள் மீது முதற்கட்ட சோதனை நடைபெற்று வருகிறது. எலிகள் மீது நடத்தப்பட்ட இந்த சோதனை 70 சதவீதம் வெற்றி பெற்றுள்ளதாக ஆராய்ச்சியாளர்கள் தெரிவித்துள்ளனர். 

இச்சோதனை மனிதர்கள் மீது நடத்தப்பட்டால் 80 வயது முதியவரை 26 வயது இளைஞராக மாற்ற முடியும் என கலிபோர்னியா பல்கலைக்கழக ஆராய்ச்சியாளர்கள் நம்பிக்கை தெரிவித்துள்ளனர்.  பன்றிகளின் ரத்தத்தில் உள்ள பிளாஸ்மாக்கள் மற்றும் நானோ துகள்களைக் கொண்டு வயதைக் குறைக்கும் ‘E5' எனப்படும் வயது எதிர்ப்பு சிகிச்சை எலிகளுக்கு அளிக்கப்பட்டது. எலியின் மரபணுவில் நம்பமுடியாத அளவிற்கு மாற்றத்தை ஏற்படுத்தி, வயதைப் பாதியாக குறைத்துள்ளதாக விஞ்ஞானிகள் தெரிவித்துள்ளனர்.