இந்தோனேசியாவுக்கு சுனாமி எச்சரிக்கை!

 
earth

இந்தோனேஷியாவின் தனிம்பார் தீவு பகுதியில் ரிக்டர் அளவுகோலில் 7.7 ஆக சக்தி வாய்ந்த நில நடக்கும் பதிவாகியுள்ளது.  நிலநடுக்கத்தை தொடர்ந்து சுனாமி எச்சரிக்கை விடுக்கப்பட்டுள்ளது.  மீண்டும் நிலநடுக்கம் ஏற்பட வாய்ப்பு உள்ளதால் மக்கள் பாதுகாப்பாக இருக்க அறிவுறுத்தப்பட்டுள்ளது. இருப்பினும் பாதிப்புகள் குறித்து எந்த தகவலும் இதுவரை வெளியாகவில்லை.

earth

இந்தோனேசியாவின் துவால் பிராந்தியத்தில் இருந்து தென்மேற்கே 342 கிலோமீட்டர் தொலைவில் நிலநடுக்கம் ஏற்பட்டது. ஆஸ்திரேலியா, திமோர் லெஸ்டே மற்றும் இந்தோனேசியாவில் உள்ள சுமார் 14 மில்லியன் மக்களால் 2000 கிலோமீட்டர்களுக்கு மேல் நிலநடுக்கம் உணரப்பட்டதாக EMSC தெரிவித்துள்ளது.  ஐரோப்பிய மத்திய தரைக்கடல் நில அதிர்வு மையம் (EMSC) மேலும் கூறும் போது, அடுத்த சில மணிநேரங்கள் அல்லது நாட்களில் இந்த அதிர்வுகள் ஏற்படக்கூடும் என்றும், சேதமடைந்த பகுதிகளிலிருந்து மக்கள் விலகி இருக்குமாறு அறிவுறுத்தியுள்ளது. 
Earth

முன்னதாக நவம்பரில், இந்தோனேசியாவின் ஜாவா மாகாணத்தில் 5.6 ரிக்டர் அளவிலான நிலநடுக்கம் ஏற்பட்டதில் குறைந்தது 318 பேர் உயிரிழந்தனர்  என்று நாட்டின் உள்ளூர் மீட்பு அதிகாரிகள் தெரிவித்தனர். இந்த நிலநடுக்கத்தால் சியாஞ்சூரில் வசித்த 62,545 பேர் இடம்பெயர்ந்துள்ளதாக தெரிகிறது. மேற்கு ஜாவாவில் உள்ள சியாஞ்சூர் பகுதியில் மதியம் 1:21 மணியளவில் 5.6 ரிக்டர் அளவில் நிலநடுக்கம் ஏற்பட்டது. உள்ளூர் நேரப்படி 10 கிலோமீட்டர் (6.2 மைல்) ஆழத்தில், யுனைடெட் ஸ்டேட்ஸ் புவியியல் ஆய்வு (USGS) படி, பள்ளி வகுப்புகள் நடந்து கொண்டிருந்த போது கட்டிடங்கள் இடிந்து விழுந்தன என்பது குறிப்பிடத்தக்கது.