Home க்ரைம் இரவில் காய்கறியுடன் வந்த மினி வேன்... சோதனையில் அதிர்ந்த போலீஸ்... செக்போஸ்ட்டில் சிக்கிய 400 கிலோ கஞ்சா

இரவில் காய்கறியுடன் வந்த மினி வேன்… சோதனையில் அதிர்ந்த போலீஸ்… செக்போஸ்ட்டில் சிக்கிய 400 கிலோ கஞ்சா

செங்குன்றம் அருகே காவல்துறையினர் நடத்தி வாகன சோதனையில் ஆந்திராவில் இருந்து சென்னைக்கு கடத்தி வந்த 400 கிலோ கஞ்சாவை காவல்துறையினர் பறிமுதல் செய்துள்ளனர்.

கொரோனா ஊரடங்கை பயன்படுத்தி கொள்ளையர்கள், கடத்தல் கும்பல் தங்களை கைவரிசையை காட்டி வருகின்றனர். இதனால் அனைத்து மாவட்டங்களிலும் காவல்துறையினர் உஷார்படுத்தப்பட்டுள்ளனர். அப்படி இருந்தும் கடத்தல் தொடர்ந்து கொண்டுதான் இருக்கிறது. திருவள்ளூர் மாவட்டம், செங்குன்றம் அடுத்த பாடியநல்லூரில் சோதனைச் சாவடியில் கடந்த 17ம் தேதி இரவு மாதவரம் காவல்துறையினர் வாகன சோதனையில் ஈடுபட்டிருந்தனர். அப்போது வேகமாக வந்த காய்கறி வேனை காவல்துறையினர் மடக்கினர். ஓட்டுநரிடமும், வண்டியில் இருந்தவரிடமும் காவல்துறையினர் விசாரணை மேற்கொண்டனர்.

அப்போது, அவர்கள் முன்னுக்கு பின் முரணாக பதில் அளித்துள்ளனர். இதனால் காவல்துறையினருக்கு சந்தேகம் வலுத்தது. இதையடுத்து, வாகனத்தில் சோதனை மேற்கொண்டனர் காவல்துறையினர். உள்ளே இருந்த வெங்காய மூட்டைகளை ஒவ்வொன்றாக அகற்றி பார்த்தனர். அப்போது, அதன் கீழே வேறு மூட்டைகள் இருந்தது. இதனை பிரித்து பார்த்தபோது காவல்துறையினர் அதிர்ச்சியடைந்தனர். பின்னர் ஒவ்வொரு மூட்டையாக பிரித்து பார்த்தபோது அனைத்திலும் கஞ்சா இருந்து கண்டுபிடிக்கப்பட்டது.

14 மூட்டைகளில் 400 கிலோ கஞ்சா இருந்தது தெரிய வந்தது. இதையடுத்து இரண்டு பேரையும் கைது செய்து விசாரணை நடத்தினர். அவர்கள் மதுரை மேலமாசி வீதியை சேர்ந்த விக்னேஷ், அருண் பாண்டி என்று தெரிந்தது. பின்னர் அவர்களிடம் நடத்தப்பட்ட தீவிர விசாரணையில், வேனின் உரிமையாளரான புரசைவாக்கத்தை பாபுவை கைது செய்தனர். இவர்கள் ஆந்திராவில் இருந்து கஞ்சா கடத்தி வந்து சென்னையில் ஒரு கும்பலுக்கு விற்பனை செய்ய இருந்தது விசாரணையில் கண்டுபிடிக்கப்பட்டது. இதையடுத்து, 400 கிலோ கஞ்சாவைவும், மினி வேனையும் காவல்துறையினர் பறிமுதல் செய்தனர். 3 பேரையும் நீதிமன்றத்தில் ஆஜர்படுத்திய காவல்துறையினர் பின்னர் புழல் சிறையில் அடைத்தனர்.

மாவட்ட செய்திகள்

Most Popular

புல்வாமா தீவிரவாத தாக்குதலில் தனது பங்கை வெளிப்படையாக ஒப்புக்கொண்ட பாகிஸ்தான்

40 இந்திய வீரர்கள் வீரமரணம் அடைந்த புல்வாமா தீவிரவாத தாக்குதல் சம்பவத்தில் தனது பங்கினை பாகிஸ்தான் நேற்று வெளிப்படையாக ஒப்புக்கொண்டுள்ளது. 2019 பிப்ரவரி 14ம் தேதியன்று...

கேரளா மாதிரி பழங்கள், காய்கறிகளுக்கு குறைந்தபட்ச ஆதரவு விலை அறிவியுங்க…. பஞ்சாப் அரசை நெருக்கும் எஸ்.ஏ.டி…

கேரளாவை பின்பற்றி, நம் மாநிலத்தில் பழங்கள் மற்றும் காய்கறிகளுக்கு குறைந்தபட்ச ஆதரவு விலை அறிவியுங்க என்று பஞ்சாப் அரசு எஸ்.ஏ.டி. கட்சி வலியுறுத்தியுள்ளது. கேரளாவில் முதல்வர்...

நாட்டின் பிரதமர் என்பதால் எதையும் மோடியால் பேச முடியும்… தேஜஸ்வி யாதவ் பதில்

பிரதமர் மோடி தன்னை காட்டாட்சி இளவரசர் என்று கூறியது குறித்து பதிலளிக்கையில், நாட்டின் பிரதமர் என்பதால் அவரால் எதுவும் பேச முடியும் என்று தேஜஸ்வி யாதவ் தெரிவித்தார்.

அகிலேஷ் கட்சி வேட்பாளரை தோற்கடிக்க பா.ஜ.க.வுக்கு கூட ஓட்டு போடுவோம்… மாயாவதி ஆவேசம்

மாநிலங்களை உறுப்பினருக்கான தேர்தலில் அகிலேஷ் யாதவ் கட்சி (சமாஜ்வாடி) வேட்பாளரை தோற்கடிக்க பா.ஜ.க.வுக்கு கூட ஓட்டு போடுவோம் என மாயாவதி தெரிவித்தார். உத்தர பிரதேசத்திலிருந்து காலியாக...
Do NOT follow this link or you will be banned from the site!