குடோனில் பதுக்கிவைத்த 3,500 கிலோ குட்கா பறிமுதல் – 4 பேர் கைது

திருப்பூர்

பல்லடம் அருகே தனியார் குடோனில் பதுக்கிவைத்திருந்த 3 ஆயிரத்து 500 கிலோ குட்கா புகையிலை பொருட்களை பறிமுதல் செய்த போலீசார், இதுதொடர்பாக 4 பேரை கைதுசெய்து விசாரித்து வருகின்றனர். திருப்பூர் மாவட்டம் பல்லடம் அருகே கிடாத்துறை வலையபாளையம் பகுதியில் தடை செய்யப்பட்ட குட்கா பொருட்களை பதுக்கி வைத்து விற்பனை

செய்யப்படுவதாக, மங்கலம் காவல்நிலைய போலீசாருக்கு ரகசிய தகவல் கிடைத்தது. இதனையடுத்து, அப்பகுதிக்கு விரைந்து சென்ற போலீசார் கருப்புச்சாமி என்பவருக்கு சொந்தமான குடோனில் மூட்டை மூட்டையாக 3 ஆயிரத்து 500 கிலோ குட்கா பொருட்களை பறிமுதல் செய்தனர்.

பறிமுதல் செய்யப்பட்ட குட்காவின் மதிப்பு பல லட்சம் ரூபாய் இருக்கும் என போலீசார் தெரிவித்தனர். குட்கா பொருட்களை பதுக்கியது தொடர்பாக, பொல்லிக்காளி பாளையத்தை சேர்ந்த முத்துக்கிருஷ்ணன், கோவையை சேர்ந்த ஷாஜி பிரசாத் உள்ளிட்ட 4 பேரை கைதுசெய்து போலீஸார் விசாரித்து வருகின்றனர்.