ஜாமீனில் வந்த சில நாட்களில் கொடூரம்... சிவகங்கையில் பிரபல ரவுடி வீட்டிற்குள் புகுந்து வெட்டிக்கொலை!

 By ttn desk Jul 30, 2026, 12:12 IST1785393756288
murder

சிவகங்கையில் சிறையில் இருந்து ஜாமீனில் வந்த பிரபல ரவுடி வெட்டிக்கொலை.. வீட்டிலேயே வைத்து பிரபல ரவுடியை படுகொலை செய்த 5 பேர் கொண்ட கும்பலுக்கு போலீஸ் வலைவீச்சு


சிவகங்கை பகுதியை சேர்ந்த பிரபல ரவுடி ஒருவர் மீது பல்வேறு குற்ற வழக்குகள் நிலுவையில் உள்ள நிலையில், அவர் கைது செய்யப்பட்டு சிறையில் அடைக்கப்பட்டிருந்தார். சமீபத்தில் நீதிமன்றம் மூலம் ஜாமீன் பெற்று வெளியே வந்த அவர், தனது வீட்டில் தங்கியிருந்துள்ளார்.

இந்நிலையில், இன்று அவரை பின்தொடர்ந்து வந்த 5 பேர் கொண்ட மர்ம கும்பல், திடீரென அவரது வீட்டிற்குள் அத்துமீறி நுழைந்தது. கண்ணிமைக்கும் நேரத்தில் அந்த கும்பல், தாங்கள் மறைத்து வைத்திருந்த அரிவாள் உள்ளிட்ட கூர்மையான ஆயுதங்களால் அவரை சரமாரியாக வெட்டியுள்ளது. இதில் பலத்த காயமடைந்த அவர், ரத்த வெள்ளத்தில் சம்பவ இடத்திலேயே பரிதாபமாக உயிரிழந்தார்.

இக்கொடூரச் சம்பவத்திற்குப் பிறகு, அக்கும்பல் அங்கிருந்து தப்பி ஓடியது. தகவலறிந்து சம்பவ இடத்திற்கு விரைந்து வந்த சிவகங்கை காவல்துறையினர், உடலை கைப்பற்றி உடற்கூறாய்விற்காக அரசு மருத்துவமனைக்கு அனுப்பி வைத்தனர்.

மேலும், இக்கொலை வழக்குப் பதிவு செய்து, தப்பி ஓடிய 5 பேர் கொண்ட கொலையாளிகளை பிடிக்க தனிப்படை அமைத்து தீவிர வலைவீசி தேடி வருகின்றனர்.


 

From around the web