தஞ்சையில் மார்ச் 4-ல் விஜய்யின் 'மாஸ்டர் பிளான்'.. நிர்வாகிகள் சந்திப்புக்கு அனுமதி கோரி மனு!

தமிழக அரசியல் களத்தில் புயலைக் கிளப்பி வரும் தமிழக வெற்றிக்கழகத் தலைவர் விஜய், தனது அடுத்தகட்ட மக்கள் சந்திப்பு பயணத்தைத் தஞ்சாவூரிலிருந்து தொடங்கத் திட்டமிட்டுள்ளார். மார்ச் 4-ம் தேதி நடைபெறும் இந்த நிகழ்வு, கட்சி நிர்வாகிகளிடையே பெரும் உற்சாகத்தை ஏற்படுத்தியுள்ளது.

திருச்சி, அரியலூர், காஞ்சீபுரம், நாகை எனப் பல மாவட்டங்களில் வெற்றிகரமாக மக்கள் சந்திப்புகளை நடத்திய விஜய், கரூர் சம்பவத்திற்குப் பிறகு சில காலம் பொதுக்கூட்டங்களில் கவனம் செலுத்தி வந்தார். ஈரோடு பொதுக்கூட்டம் மற்றும் வேலூர் நிர்வாகிகள் சந்திப்புக்குப் பிறகு, இப்போது மீண்டும் மாவட்ட வாரியான சுற்றுப்பயணத்தைத் தீவிரப்படுத்தியுள்ளார்.

வரும் மார்ச் 4-ம் தேதி தஞ்சை மாவட்டத்தில் பிரம்மாண்டமான மக்கள் சந்திப்பு அல்லது நிர்வாகிகள் ஆலோசனைக் கூட்டத்தை நடத்த த.வெ.க தலைமை முடிவு செய்துள்ளது.

தஞ்சை மண்டல அரசியலில் இந்தச் சந்திப்பு மிக முக்கியமானதாகப் பார்க்கப்படுகிறது. டெல்டா மாவட்டங்களில் தனது பலத்தை நிரூபிக்க விஜய் எடுக்கும் இந்த முயற்சி, மற்ற அரசியல் கட்சிகளின் கவனத்தையும் ஈர்த்துள்ளது.

இந்நிலையில் வரும் மார்ச் 4ம் தேதி தஞ்சையில் விஜய்யின் நிர்வாகிகள் சந்திப்பு கூட்டத்திற்கு அனுமதி கோரி தவெக நிர்வாகிகள் மனு அளித்துள்ளனர் ; அரசியல் ரீதியாகவும், தனிப்பட்ட விவகாரங்களிலும் விஜய் நெருக்கடிகளை சந்தித்து வரும் நிலையில், இந்த நிர்வாகிகள் சந்திப்பு கூட்டம் பெரும் எதிர்பார்ப்பை ஏற்படுத்தியுள்ளது