தவெக தலைவர் விஜய் போட்டியிடும் திருச்சி கிழக்கில் வாக்குப்பதிவு விறுவிறுப்பாக நடைபெற்றுவருகிறது.
இன்று தமிழக சட்டமன்றத் தேர்தலை முன்னிட்டு, திருச்சி மாவட்டத்தில் உள்ள 9 சட்டமன்ற தொகுதிகளிலும் பொதுமக்கள் அச்சமின்றி வாக்களிக்கத் தேவையான பாதுகாப்பு மற்றும் அடிப்படை வசதிகளை மாவட்ட நிர்வாகம் மற்றும் தேர்தல் ஆணையம் செய்துள்ளது. இதனையடுத்து இன்று காலை 7 மணி முதல் விறுவிறுப்பாக வாக்குப்பதிவு நடைபெறுகிறது. திருச்சி மாவட்டத்திலுள்ள 9 தொகுதிகளிலும் 2787 வாக்குச்சாவடி மையங்கள் அமைக்கப்பட்டுள்ளது.
இந்நிலையில் திருச்சி கிழக்கு தொகுதியில் 11 மணி நிலவரப்படி 37.03 %வாக்கு பதிவானது. திருச்சி கிழக்கில் உள்ள பல வாக்குச்சாவடிகளில், பெண்கள் உட்பட ஏராளமான டிவிகே ஆதரவாளர்கள், டிவிகே தலைவர் விஜய் தனது பிரச்சாரங்களின் போது அணியும் உடையை நயமாகப் பிரதிபலிக்கும் வகையில், வெள்ளைச் சட்டை மற்றும் காக்கி பேன்ட் அணிந்து திரண்டிருந்தனர்.