இளைஞரணியை வலுவூட்டும் உதயநிதி! ஒரு லட்சம் இளைஞர்களை கூட்டி மண்டல கூட்டம் நடத்த திட்டம்

திருவண்ணாமலை  மாவட்டம் வன்னியந்தாங்கல்  பகுதியில் இந்த மாதம் இளைஞரணி நிர்வாகிகளின் மண்டல  கூட்டம் நடைபெறவுள்ளது.

திருவண்ணாமலை மாவட்டம் வன்னியந்தாங்கல்  பகுதியில் இந்த மாதம் இளைஞரணி நிர்வாகிகளின் மண்டல  கூட்டம் திட்டமிடப்பட்டிருக்கும் நிலையில் ,  அதற்கான முன்னேற்பாடு பணிகளை இன்று துணை முதல்வர் உதயநிதி பார்வையிட்டு , ஆலோசனைகளை வழங்கினார். இந்த இளைஞரணி மண்டல கூட்டத்தில் , சுமார் 13 மாவட்டங்களைச் சேர்ந்த  1 லட்சத்திற்கும் மேற்பட்ட இளைஞரணி நிர்வாகிகள் கலந்து கொள்வார்கள் என தகவல்கள் தெரிவிக்கின்றன. 

தேர்தலுக்கு இன்னும் 6 மாதங்களே உள்ள நிலையில், தவெகவுக்கு போட்டியாக திமுக இளைஞரணியை வலுவூட்டும் உதயநிதி ஸ்டாலின், மண்டல கூட்ட ஏற்பாடு பணிகளை நேரில் ஆய்வு செய்தார். இந்த ஆய்வின்போது துணை சபாநாயகர் பிச்சாண்டி, அமைச்சர் எ.வ.வேலு உள்ளிட்டோர் உடன் இருந்தனர்.