பஹ்ரைன் நாட்டில் தமிழக வெற்றிக் கழகத்தின் மூன்றாம் ஆண்டு தொடக்க விழா மிகச்சிறப்பாகக் கொண்டாடப்பட்டது. இந்த விழாவிற்கு சிறப்பு விருந்தினராக KTCC நிறுவனத்தின் நிறுவனர் திரு. K. கருத்தபாண்டி அவர்கள் கலந்துகொண்டு சிறப்பித்தார். விழாவின் முக்கிய நிகழ்வாகத் தமிழக வெற்றிக் கழகத்தின் கட்சிச் சின்னம் பொறிக்கப்பட்ட பதாகை (Banner) முறைப்படி வெளியிடப்பட்டது. மேலும், கட்சித் தொண்டர்கள் மற்றும் ஆதரவாளர்களுக்குத் தமிழக வெற்றிக் கழகத்தின் பிரத்யேக மாதாந்திர நாட்காட்டிகள் (Calendars) இலவசமாக வழங்கப்பட்டன.
இந்நிகழ்வில் நூற்றுக்கும் மேற்பட்ட கழக நிர்வாகிகள், மகளிர் அணியினர் மற்றும் ஆதரவாளர்கள் உற்சாகத்துடன் பங்கேற்றனர். விழாவை வெற்றிகரமாக முன்னின்று நடத்திய ஒருங்கிணைப்பாளர்கள், செயற்குழு உறுப்பினர்கள் மற்றும் களப்பணியாளர்கள் அனைவருக்கும் நெஞ்சார்ந்த நன்றிகள் தெரிவிக்கப்பட்டது. பஹ்ரைன் மண்ணில் கட்சியின் வளர்ச்சியையும் ஒற்றுமையையும் பறைசாற்றும் வகையில் இந்த விழா இனிதே நிறைவுற்றது.