கோவை செல்லும் முதல்வர் விஜய்! ஏன் தெரியுமா?

கோவையில் 'பெரியார் அறிவுலகம்'-ஐ திறந்து வைக்க வெள்ளிக்கிழமை செல்லவிருக்கிறார் முதல்வர் விஜய்.

தமிழக முதலமைச்சர் ஜோசப் விஜய் வரும் வெள்ளிக்கிழமையன்று கோவைக்கு வருகை தர உள்ளார். கோவையில் பிரமாண்டமாக கட்டப்பட்டுள்ள 'பெரியார் அறிவுலகம்' கட்டிடத்தை திறந்து வைப்பதற்காக முதல்வர் வருகை தருகிறார். தந்தை பெரியாரின் கொள்கைகள், சமூகநீதி சிந்தனைகளை இளைய தலைமுறைக்கு கொண்டு சேர்க்கும் வகையில் இந்த அறிவுலகம் அமைக்கப்பட்டுள்ளது. வெள்ளிக்கிழமை காலை கோவை விமான நிலையம் வந்தடையும் முதல்வர் ஜோசப் விஜய், அங்கிருந்து நேரடியாக விழா நடைபெறும் இடத்திற்கு செல்கிறார். பெரியார் அறிவுலகத்தை திறந்து வைத்து அவர் சிறப்புரையாற்ற உள்ளார். முதல்வரின் கோவை வருகையை முன்னிட்டு தமிழக வெற்றிக் கழகத்தினர்  உற்சாகமாக வரவேற்பு ஏற்பாடுகளை செய்து வருகின்றனர்.