த.வெ.க தூத்துக்குடி மாவட்ட செயலாளர் தேர்வில் நீடிக்கும் சிக்கல் - மாலை மீண்டும் ஆலோசனை

தமிழக வெற்றி கழகத்தின் தூத்துக்குடி மாவட்ட செயலாளர் தேர்வு தொடர்பாக சிக்கல் நீடிக்கும் நிலையில், மாலை 4 மணிக்கு பொதுச் செயலாளர் ஆனந்த் ஆலோசனை நடத்த உள்ளார்.

 

 

தமிழ் சினிமாவின் முன்னணி நடிகரான விஜய், தமிழக வெற்றி கழகம் என்ற பெயரில் அரசியல் கட்சியை தொடங்கியுள்ளார். இவர் தலைமையில் கடந்த சில நாட்களுக்கு முன்னர் விழுப்புரம் மாவட்டம் விக்கிரவாண்டியில் மாபெரும் மாநாடு நடைபெற்றது. இந்த மாநாட்டில் தமிழக வெற்றி கழகத்தின் தலைவர் விஜய் அக்கட்சியின் கொள்கை மற்றும் கோட்பாடுகளை அறிவித்தார்.  இதனை தொடர்ந்து விஜய் கட்சி பணிகள் மற்றும் அரசியல் நடவடிக்கைகளை மும்முரமாக கவனித்து வருகிறார். இதனிடையே தமிழக வெற்றிக் கழகத்தின் மாவட்ட பொறுப்பாளர்கள் ஆலோசனை கூட்டம்   பொதுச் செயலாளர் என். ஆனந்த் தலைமையில் இன்று நடைபெற்றது.  

 

 

இந்த நிலையில், தமிழக வெற்றி கழகத்தின் தூத்துக்குடி மாவட்ட  செயலாளர் தேர்வு தொடர்பாக  சிக்கல் ஏற்பட்டுள்ளது. தூத்துக்குடி மாவட்ட பொறுப்பாளர் பதவிக்கு பாலா என்பவருக்கும் அஜித்தாவுக்கும் போட்டி என தகவல் வெளியாகியுள்ளது. மாவட்ட செயலாளர் தேர்வில் இருந்து அஜித்தா புறக்கணிக்கப்பட்டுள்ளதாக கூறப்படும் விலையில், கூட்டத்தில் கலந்து கொள்ள வந்த அஜித்தாவை மாலை 4 மணிக்கு பொதுச் செயலாளர் ஆனந்த் வரச் சொல்லியதாக தகவல் வெளியாகியுள்ளது.