தமிழக வெற்றிக் கழகத்தின் மாவட்ட பொறுப்பாளர்கள் ஆலோசனை கூட்டம் தொடங்கியது.
தமிழ் சினிமாவின் முன்னணி நடிகரான விஜய், தமிழக வெற்றி கழகம் என்ற பெயரில் அரசியல் கட்சியை தொடங்கியுள்ளார். இவர் தலைமையில் கடந்த சில நாட்களுக்கு முன்னர் விழுப்புரம் மாவட்டம் விக்கிரவாண்டியில் மாபெரும் மாநாடு நடைபெற்றது. இந்த மாநாட்டில் தமிழக வெற்றி கழகத்தின் தலைவர் விஜய் அக்கட்சியின் கொள்கை மற்றும் கோட்பாடுகளை அறிவித்தார். இதனை தொடர்ந்து விஜய் கட்சி பணிகள் மற்றும் அரசியல் நடவடிக்கைகளை மும்முரமாக கவனித்து வருகிறார்.
இந்த நிலையில், தமிழக வெற்றிக் கழகத்தின் மாவட்ட பொறுப்பாளர்கள் ஆலோசனை கூட்டம் தொடங்கியது. த.வெ.க பொதுச் செயலாளர் என். ஆனந்த் தலைமையில் கூட்டம் நடைபெற்று வருகிறது. பிப்ரவரி 2 ஆம் தேதிக்குள் புதிய நிர்வாகிகள் அறிவிக்கப்பட வாய்ப்பு உள்ளதாக தகவல் வெளியாகியுள்ளது. த.வெ.க மாவட்ட பொறுப்பாளர்கள் கூட்டத்தில் கட்சி தலைவர் விஜய் பங்கேற்கவில்லை. சென்னையில் நடைபெறும் படப்பிடிப்பில் பங்கேற்பதற்காக விஜய் புறப்பட்டு சென்றார்.