தவெக 3ஆம் கட்ட மாவட்டச் செயலாளர்கள் பட்டியலை இன்று வெளியிடுகிறார் விஜய்!

 
tvk

தமிழக வெற்றி கழகத்தின் 3ஆம் கட்ட மாவட்டச் செயலாளர்கள் பட்டியலை அக்கட்சியின் தலைவர் விஜய் இன்று வெளியிடுகிறார். 

தமிழ் சினிமாவின் முன்னணி நடிகரான விஜய், தமிழக வெற்றி கழகம் என்ற பெயரில் அரசியல் கட்சியை தொடங்கியுள்ளார். இவர் தலைமையில் கடந்த சில நாட்களுக்கு முன்னர் விழுப்புரம் மாவட்டம் விக்கிரவாண்டியில் மாபெரும் மாநாடு நடைபெற்றது. இந்த மாநாட்டில் தமிழக வெற்றி கழகத்தின் தலைவர் விஜய் அக்கட்சியின் கொள்கை மற்றும் கோட்பாடுகளை அறிவித்தார். இதனை தொடர்ந்து விஜய் கட்சி பணிகள் மற்றும் அரசியல் நடவடிக்கைகளை மும்முரமாக கவனித்து வருகிறார். கடந்த சில நாட்களாக பனையூரில் உள்ள கட்சி அலுவலகத்தில் மாவட்ட செயலாளர்களை தேர்வு செய்வது தொடர்பான ஆலோசனை கூட்டம் நடைபெற்று வருகிறது. 

இந்த நிலையில், தமிழக வெற்றி கழகத்தின் 3ஆம் கட்ட மாவட்டச் செயலாளர்கள் பட்டியலை அக்கட்சியின் தலைவர் விஜய் இன்று வெளியிடுகிறார். தமிழக வெற்றி கழகத்தில் இதுவரை 2 கட்டங்களாக 38 மாவட்டச் செயலாளர்கள் நியமிக்கப்பட்டுள்ளனர். இந்த நிலையில், இன்று 3வது கட்ட மாவட்ட செயலாளர்கள் அறிவிக்கப்படவுள்ளனர்.