தமிழகத்தில் ஐஏஎஸ் அதிகாரிகள் பணியிடமாற்றம்

தமிழகத்தில் ஐஏஎஸ் அதிகாரிகளை பணியிட மாற்றம் செய்து தமிழக தலைமைச் செயலாளர் என்.முருகானந்தம் உத்தரவு பிறப்பித்துள்ளார்.

• சுற்றுலாத்துறை மேலாண் இயக்குநராக இருந்த சமயமூர்த்தி, மனிதவள மேம்பாட்டுத்துறை செயலாளராக மாற்றம் செய்யப்பட்டுள்ளார்.
• தேசிய சுகாதார ஆணைய திட்ட அதிகாரியாக இருந்த ஷில்பா பிரபாகர் சதீஷ், சுற்றுலாத்துறை இயக்குநராக நியமிக்கப்பட்டுள்ளார்.
• தமிழக தலைமை தேர்தல் அதிகாரியாக இருந்த சத்யபிரதா சாஹூ, கால்நடை பராமரிப்புத்துறை செயலாளராக நியமனம் செய்யப்பட்டுள்ளார்.
• தொழிலாளர் துறை ஆணையராக இருந்த அதுல் ஆனந்த் சிறு,குறு, நடுத்தர தொழில் துறை முதன்மை செயலாளராக நியமனம் செய்யப்பட்டுள்ளார்.
• சமக்ரா சிக்ஷா திட்ட மாநில இயக்குநராக இருந்த ஆர்த்தி துணை முதல்வர் உதயநிதியின் துணை செயலாளராக  நியமிக்கப்பட்டுள்ளார்.