தமிழக வெற்றி கழகத்தின் தலைவர் விஜய் தலைமையில் பனையூரில் உள்ள கட்சி அலுவலகத்தில் இன்று மாவட்ட செயலாளர்கள் கூட்டம் நடைபெறவுள்ளது.
தமிழகத்தின் முன்னணி நடிகரான விஜய் தமிழக வெற்றி கழகம் என்ற கட்சியை தொடங்கி அரசியல் பணிகளில் ஈடுபட்டு வருகிறார். இவரது கடைசி திரைப்படத்திற்கான படப்பிடிப்பு இன்னும் சிறிது நாட்களில் நிறைவடையவுள்ள நிலையில், அதன் பின்னர் முழு நேர அரசியலில் விஜய் ஈடுபடவுள்ளார். தமிழக வெற்றிக் கழகத்தின் முதல் பொதுக்குழு கூட்டம் கடந்த 28ம் தேதி சென்னை திருவான்மியூரில் உள்ள தனியார் அரங்கில் நடைபெற்றது. தமிழக வெற்றி கழகத்தின் தலைவர் விஜய் தலைமையில் நடைபெற்ற இந்த பொதுக்குழு கூட்டத்தில் தமிழக வெற்றிக் கழக பொதுக்குழு உறுப்பினர்கள், நிர்வாகிகள் உட்பட 2,000 பேர் பங்கேற்றனர். இதனிடையே கோவையில் தமிழக வெற்றிக் கழக பூத் கமிட்டி மாநாடு நடத்த அக்கட்சி தலைமை திட்டமிட்டுள்ளதாக தகவல் வெளியானது.
இந்த நிலையில், தமிழக வெற்றி கழக மாவட்ட செயலாளர்கள் கூட்டம் இன்று நடைபெறவுள்ளது. தமிழக வெற்றி கழகத்தின் தலைவர் விஜய் தலைமையில் பனையூரில் உள்ள கட்சி அலுவலகத்தில் மாவட்ட செயலாளர்கள் கூட்டம் நடைபெறவுள்ளது. இந்த கூட்டத்தில் பூத் கமிட்டி நிர்வாகிகளை நியமிப்பது தொடர்பாக ஆலோசிக்கப்படும் என தகவல் வெளியாகியுள்ளது.