செல்பி எடுத்ததால் கடுப்பான தெய்வானை! 2 பேரின் உயிரிழப்புக்கு வெளியான பகீர் தகவல்

திருச்செந்தூரில் யானை மிதித்து 2 பேர் உயிரிழக்க காரணம் என்ன? என்பது குறித்த புதிய தகவல் வெளியாகியுள்ளது. 

திருச்செந்தூர் கோயில் யானை தெய்வானை, மிதித்ததில் பாகன் உதயன் (45) மற்றும் அவரது உறவினர் சிசுபாலன் ஆகியோர் பலியானார். பழங்கள் கொடுக்கச் சென்ற போது யானை ஆக்ரோஷத்துடன் இருவரையும் மிதித்ததாக முதற்கட்ட தகவல்கள் வெளியானது.

இந்நிலையில் திருச்செந்தூர் கோயில் யானை மிதித்து பாகன் மற்றும் அவரது உறவினர் உயிரிழந்த சம்பவத்தில் புதிய தகவல் வெளியாகியுள்ளது. அதன்படி, பாகனின் உறவினர் சிசுபாலன் என்பவர் யானை அருகே நின்று நீண்ட நேரம் செல்பி எடுத்ததாகவும், இதனால் ஆத்திரமடைந்த யானை, சிசுபாலனை கால் மற்றும் தும்பிக்கையால் தாக்கியதாகவும் வனச்சரக அலுவலர் கவின் கூறியுள்ளார். மேலும்  சிசுபாலனை காப்பாற்ற வந்த யானை பாகன் உதயகுமாரையும் தாக்கி உள்ளது தெரிய வந்துள்ளதாகவும் அவர் விளக்கம் அளித்தார். இதேபோல் இச்சம்பவம் குறித்து வன அலுவலர் ரேவதி ரமணன் கூறுகையில், “திருச்செந்தூர் கோயில் யானை அமைதியானது, பெண் யானைகளுக்கு மதம் பிடிக்காது. தெய்வானை ஏன் இப்படி நடந்து கொண்டது என தெரியவில்லை, விசாரித்து வருகிறோம்” என்றார்.