தவெக கொடியுடன் பைக் சாகசம் செய்த இளைஞர்! தட்டி தூக்கிய காவல்துறை

விழுப்புரம் - நாகப்பட்டினம் தேசிய நெடுஞ்சாலையில் இளைஞர் ஒருவர் விஜய்யின் கட்சி கொடியினை இருசக்கர வாகனத்தில் கட்டி கொண்டு சாகசம் செய்த வீடியோ காட்சிகள் சமூக வலைதளங்களில் வைரலாகி வருகிறது.

தமிழக அரசியலில் தமிழக வெற்றி கழகத்தை நடிகர் விஜய் தொடங்கி அதற்கான கட்சி கொடி மற்றும் சின்னத்தை அறிமுகபடுத்தி முதல் அரசியல் மாநாடு விக்கிரவாண்டி வி.சாலையில் நடத்த திட்டமிடபட்டு அதற்கான அனுமதியையும் காவல் துறையினரிடம் பெற்றுள்ளார். இதையடுத்து கட்சி நிர்வாகிகள் விஜய்யின் கட்சி கொடி சின்னத்தை பல்வேறு இடங்களில் ஏற்றியும் சுவர் விளம்பரம் செய்தும் வருகின்றனர்.

தவெக கொடியுடன் சாலையில் பைக் சாகசம் செய்த இளைஞர் காவல்துறை கைது செய்யுமா? pic.twitter.com/MmMfCFSvmH

— Balamurugan V (@Balamur17074949) September 18, 2024

இந்நிலையில் விழுப்புரத்தை சேர்ந்த ராஜசேகர் என்ற இளைஞர் இருசக்கர வாகனத்தை அதிவேகமாக இயக்குவதும் அதில் ஸ்டண்ட் செய்வதிலும் ஆர்வம் கொண்டவர். இவர் விஜய்யின் தீவிர ரசிகராக இருந்து வருகிறார். இவர் விழுப்புரத்தில் இருந்து நாகப்பட்டினத்திற்கு புதியதாக அமைக்கப்பட்ட தேசியநெடுஞ்சாலையில் இருசக்கர வாகனத்தில் விஜய்யின் கட்சி கொடியினை கட்டி கொண்டு சாகசம் செய்துள்ளார்.  விஜய் கட்சி கொடியுடன் சாகசம் செய்ததை நண்பர்கள் மூலமாக வீடியோவாக பதிவு செய்து அதனை சமூக வலைதளமான இண்ஸ்டாவில் பதிவிட்டுள்ளார்.  

இந்த பதிவானது சமூக வலைதளங்களில் வைரலாகி வருகிற நிலையில் விழுப்புரம் போலீசார் இளைஞர் மீது வழக்கு பதிவு செய்து விசாரணை செய்து வருகின்றனர்