இனி கோயில்களில் அன்னதானம் சாப்பிடுவோர் எண்ணிக்கை இரட்டிப்பாகும்!

கோயில்களில் அன்னதான திட்டத்தை விரிவாக்கம் செய்யும் வகையில், 10 திருக்கோயில்களில் அன்னதானம் பெறும் பக்தர்களின் எண்ணிக்கை இரட்டிப்பாக்கும் திட்டத்தை அமைச்சர் ரமேஷ் தொடங்கி வைத்தார்.

இதுதொடர்பாக அமைச்சர் ரமேஷ் தனது எக்ஸ் தளத்தில், “சட்டமன்ற அறிவிப்பு எண் 76 – அன்னதானத் திட்டம் விரிவாக்கம்!

மாண்புமிகு தமிழ்நாடு முதலமைச்சர் திரு. ச. ஜோசப் விஜய் அவர்களின் வழிகாட்டுதலின்படி, 2026–2027 ஆம் ஆண்டு இந்து சமய அறநிலையத்துறை மானியக் கோரிக்கை சட்டமன்ற அறிவிப்பு எண் 76-இல் அறிவிக்கப்பட்ட அன்னதானத் திட்ட விரிவாக்கத்தைச் செயல்படுத்தும் வகையில், 10 திருக்கோயில்களில் நாள்தோறும் அன்னதானம் பெறும் பக்தர்களின் எண்ணிக்கையை இரட்டிப்பாக்கும் திட்டத்தை இன்று (13.10.2026) தொடங்கி வைத்தேன்.

திட்டத்தின் முக்கிய அம்சங்கள்:

-  10 திருக்கோயில்களில் அன்னதானம் பெறும் பக்தர்களின் எண்ணிக்கை இரட்டிப்பாக்கம்.
-  கூடுதலாக 2,25,475 பக்தர்கள் பயன்பெற வழிவகை.
-  மொத்தம் 5,08,350 பக்தர்கள் அன்னதானத் திட்டத்தின் மூலம் பயன்பெறுவர்.

சட்டமன்றத்தில் அறிவிக்கப்பட்ட திட்டங்களைச் செயல்படுத்தி, பக்தர்களின் நலனையும் மக்கள் சேவையையும் முன்னிறுத்திச் செயல்படுவதே நமது அரசின் உறுதிப்பாடு.”எனக் குறிப்பிட்டுள்ளார்.