‘வாழ்க உதயநிதி ஸ்டாலின், தளபதி வாழ்க’ மக்களவையில் ஒலித்த குரல்
மறைந்த முன்னாள் முதல்வர் கருணாநிதி, முதல்வர் மு.க.ஸ்டாலின் பெயர்களை குறிப்பிட்டு மக்களவையில் திமுக எம்பிக்கள் பதவியேற்றனர். அப்போது ‘வருங்காலம் எங்கள் உதயநிதி்’ எனவும் கூறி திமுக எம்பிக்கள் சிலர் பதவியேற்றனர்.
தமிழ்நாட்டில் திமுக கூட்டணி 40-க்கு 40 இடங்களில் வென்று சரித்திர சாதனை படைத்துள்ளது. இதனையடுத்து கடந்த இரண்டு நாட்களாக எம்பிக்கள் நாடாளுமன்றத்தில் பதவி ஏற்று வருகின்றனர். அதன்படி, இன்று மக்களவையில் அரசியலமைப்புச் சட்ட புத்தகத்துடன், தமிழில் தமிழ்நாடு எம்.பி.க்கள் பதவி ஏற்றனர்.திமுக எம்பி தயாநிதி மாறன், வாழ்க தமிழ்! வாழ்க பெரியார்! வாழ்க அண்ணா! வாழ்க கலைஞர்! வாழ்க முத்துவேல் கருணாநிதி ஸ்டாலின்! வாழ்க உதயநிதி ஸ்டாலின்.... வேண்டாம் நீட்! BAN நீட் என முழக்கமிட்டார்.
இதற்கு தான் இவங்களுக்கு மக்கள் வாக்களித்து அனுப்பினாங்களா?
— Krishna Kumar Murugan (@ikkmurugan) June 25, 2024
டோட்டல் வேஸ்ட். pic.twitter.com/DZEuzvorAa
திருவண்ணாமலை எம்பி சி.என்.அண்ணாதுரை தமிழில் பதவியேற்றார். வாழ்க தமிழ்! கருணாநிதி.. ஸ்டாலின்... உதயநிதி எனக் கூறினார். திமுக எம்பி அண்ணாதுரை, திருவள்ளூர் தொகுதி எம்பி சசிகாந்த் செந்தில் (காங்கிரஸ்) அரசியல் சாசனப் புத்தகத்துடன் தமிழில் உறுதி மொழியேற்றார். வாழிய வையகம்! வாழ்க தமிழ்! தலித்- ஆதிவாசிகள்- சிறுபான்மையினர் மீதான தாக்குதல்களை நிறுத்துக என முழக்கமிட்டு சசிகாந்த் செந்தில் பதவியேற்றார். தென்காசி எம்பி டாக்டர் ராணி ஶ்ரீகுமார் கனிமொழி பெயரை சொல்லி பதவியேற்றார். திமுக எம்பி கலாநிதி வீராசாமி, பெரியார் அண்ணா, கலைஞர் வாழ்க! திராவிடம் வாழ தளபதி வாழ்க! தமிழ் வெல்க! என முழக்கமிட்டு பதவியேற்றார்.
