“ஃபிளாப், ஃபிளாப்..”- போட்ட திட்டங்கள் அனைத்தில் இருந்தும் பின் வாங்கிய தவெக அரசு

தமிழகத்தில் கடந்த சில ஆண்டுகளாகப் பல கோடி ரூபாய் மதிப்பீட்டில் திட்டமிடப்பட்டு வந்த பல  திட்டங்கள் தற்போது தவெக அரசால் திடீரென ரத்து செய்யப்பட்டன. 

1. பரந்தூர் இரண்டாவது விமான நிலையம்

சென்னையின் எதிர்கால விமானப் போக்குவரத்து தேவையைச் சமாளிக்க காஞ்சிபுரம் மாவட்டம் பரந்தூரில் சுமார் ₹20,000 கோடிக்கு மேல் மதிப்பில் புதிய கிரீன்ஃபீல்ட் விமான நிலையம் அமைக்கத் திட்டமிடப்பட்டது. சுமார் 7 முதல் 8 ஆண்டுகள் பலகட்ட ஆய்வுகளுக்குப் பிறகு தேர்வு செய்யப்பட்ட இத்திட்டம், விவசாய நிலங்கள் மற்றும் நீர்நிலைகள் பாதிக்கப்படும் என்ற காரணத்தால் தற்போதைய அரசால் ரத்து செய்யப்பட்டு நிறுத்தப்பட்டுள்ளது.

2. பரந்தூர் மெட்ரோ ரயில் நீட்டிப்பு

பூந்தமல்லியிலிருந்து பரந்தூர் விமான நிலையம் வரை மெட்ரோ ரயில் சேவையை நீட்டிக்க விரிவான ஆய்வு மேற்கொள்ளப்பட்டது. தற்போது விமான நிலையத் திட்டமே ரத்து செய்யப்பட்டுள்ளதால், இந்த மெட்ரோ நீட்டிப்பு திட்டமும் முழுமையாக முடங்கிப் போயுள்ளது.

3. சர்வதேச விளையாட்டு நகரம்

செம்மஞ்சேரி பகுதியில் உலகத்தரம் வாய்ந்த விளையாட்டு மைதானங்கள் மற்றும் விளையாட்டு வீரர்களுக்கான பயிற்சி மையங்களை உள்ளடக்கிய பிரம்மாண்ட விளையாட்டு நகரம் அமைக்கும் திட்டம் ஆலோசனையில் இருந்தது. தற்போதைய சூழலில் இத்திட்டத்திற்கான பணிகளும் முழுமையாக நிறுத்தப்பட்டுள்ளன.

4. கிழக்கு கடற்கரை சாலை உயர்மட்ட மேம்பாலம்

திருவான்மியூர் முதல் உத்தண்டி வரை போக்குவரத்து நெரிசலைக் குறைக்க 13 கி.மீ தூரத்திற்கு உயர்மட்ட பாலம் கட்ட திட்டமிடப்பட்டது. கடற்கரை பகுதியை இணைக்கும் இந்த மிக முக்கிய சாலை திட்டமும் இப்போது கிடப்பில் போடப்பட்டுள்ளது.

5. கிண்டி - வேளச்சேரி உயர்மட்ட பாலம்

தென் சென்னையின் மிக மோசமான போக்குவரத்து நெரிசல் உள்ள வேளச்சேரி - கிண்டி பாதையில் வாகனங்கள் எளிதாகச் செல்ல திட்டமிடப்பட்ட உயர்மட்ட பாலம் அமைக்கும் பணியும் தற்போது நிறுத்தப்பட்டுள்ளது.

6. கோவை பெரியார் நூலகம்

கோவையில் அனைத்து நவீன வசதிகளுடன் கூடிய பிரம்மாண்ட பெரியார் நூலகத்தின் கட்டுமானப் பணிகள் முழுமையாக முடிந்து தயாராக உள்ளது. ஆனால், கட்டிடம் தயாராக இருந்தும் இதுவரை பொதுமக்களின் பயன்பாட்டிற்குத் திறந்து வைக்கப்படாமல் பூட்டியே கிடக்கிறது.

7. ஓசூர் டைடல் பார்க்

பெங்களூருக்கு அருகிலுள்ள ஓசூரில் ஐடி துறை இளைஞர்களுக்கு வேலைவாய்ப்பை உருவாக்க டைடல் பார்க் திட்டம் அறிவிக்கப்பட்டது. இதற்கான வடிவமைப்பு முடிந்து, சுற்றுச்சூழல் அனுமதியும் பெறப்பட்ட நிலையில், டெண்டர் கட்டத்திலேயே இப்பணி தேக்கமடைந்துள்ளது.

8. ஓசூர் நாலேஜ் காரிடார்

ஓசூர் பகுதியை சர்வதேச கல்வி மற்றும் தொழிற்கல்வி மையமாக மாற்றும் உத்தேசத் திட்டமான அறிவுசார் வழித்தடப் பணிகளும் நில அளவிலேயே கூட இன்னும் தொடங்கப்படாமல் உள்ளது.

9. கோவை சர்வதேச கிரிக்கெட் ஸ்டேடியம்

கோவையில் நவீன வசதிகளுடன் கூடிய சர்வதேச கிரிக்கெட் மைதானம் அமைக்க அரசு டெண்டர் கோரியது. ஆனால், கட்டுமான நிறுவனங்கள் யாரும் ஏலம் எடுக்க முன்வராததால் இத்திட்டம் தொடக்க நிலையிலேயே முடங்கியுள்ளது.

10. சென்னை பெரிஃபெரல் ரிங் ரோடு கடைசி பகுதி

எண்ணூர் துறைமுகம் முதல் மாமல்லபுரம் வரை வெளிவட்டாரங்களை இணைக்கும் 133 கி.மீ சுற்றுச்சாலை திட்டத்தில் பெரும்பாலான பகுதிகள் முடிந்துவிட்டன. ஆனால் சிங்கபெருமாள்கோவில் - மாமல்லபுரம் இடையேயான கடைசி கட்டப் பணிகள் டெண்டர் திறக்கப்படாமலும் நிலுவையிலும் உள்ளன.