காஞ்சிபுரம் மாவட்ட சிப்காட் தொழிற்பூங்கா வளாகங்களில் அமைந்துள்ள செயின்ட்-கோபைன் கண்ணாடி தயாரிப்பு நிறுவனத்தையும், ரெனால்ட் கார் உற்பத்தித் தொழிற்சாலையையும் முதலமைச்சர் ச. ஜோசப் விஜய் நேரில் பார்வையிட்டு ஆய்வு மேற்கொண்டார்.
செயின்ட்-கோபைன் கண்ணாடி தயாரிப்பு நிறுவனம்
காஞ்சிபுரம் மாவட்டம், ஸ்ரீபெரும்புதூர், சிப்காட் தொழிற்பூங்கா வளாகத்தில் அமைந்துள்ள ஆசியாவின் மிகப்பெரிய ஒருங்கிணைந்த கண்ணாடி உற்பத்தி நிறுவனங்களில் ஒன்றான செயின்ட்-கோபைன் கண்ணாடி தயாரிப்பு நிறுவனத்திற்கு மாண்புமிகு தமிழ்நாடு முதலமைச்சர் அவர்கள் நேரில் சென்று, மிதவைக் கட்டுப்பாட்டு அறையினை பார்வையிட்டு, அந்நிறுவனத்தில் தயாரிக்கப்படும் மிதவைக் கண்ணாடி (Float Glass), பூசப்பட்ட கண்ணாடி (Coated Glass), லேமினேட் செய்யப்பட்ட கண்ணாடி மற்றும் தீ-எதிர்ப்பு, உயர்-பாதுகாப்பு கொண்ட கண்ணாடி உற்பத்தி குறித்து அந்நிறுவன உயர் அலுவலர்களிடம் கேட்டறிந்தார். (Laminated Glass)
அதனைத் தொடர்ந்து, மாண்புமிகு தமிழ்நாடு முதலமைச்சர் அவர்கள், ரோபோட்டிக் இயந்திரம் மூலம் கண்ணாடி உற்பத்திப் பொருட்களைக் கையாளும் பகுதியினைப் பார்வையிட்ட பின்னர், ஏழை, எளிய மாணவர்களுக்குக் கல்வி கற்பித்து, வேலைவாய்ப்பு வழங்குவதற்காக கோபைன் நிறுவனத்தால் தொடங்கப்பட்ட சமூக 'கற்றுக்கொண்டே சம்பாதிப்போம்' செயின்ட் முன்னெடுப்பான பயிற்சி மாணவர்களுடன் கலந்துரையாடி, அப்பயிற்சிப் பள்ளியில் மாணவர்கள் கற்றுக்கொள்ளவும், பட்டயம் பெறவும், பணிபுரியும் வாய்ப்பைப் பெறுவதற்குமான இந்நிறுவனத்திலேயே வழிவகைகள் குறித்தும் கேட்டறிந்தார். தொடர்ந்து, அந்நிறுவன வளாகத்தில் அமைக்கப்பட்டுள்ள மழைநீர் சேகரிப்பு மையம், நகர்ப்புறக் காடு வளர்ப்பு, வண்ணத்துப்பூச்சித் தோட்டம் போன்ற இயற்கை நிலைத்தன்மை முன்னெடுப்புகள் மற்றும் 4.0 தொழில் புத்தாக்கச் சிறப்பு மையம் குறித்தும் அந்நிறுவன உயர் அலுவலர்கள் மாண்புமிகு தமிழ்நாடு முதலமைச்சர் அவர்களிடம் விளக்கினார்கள். மாண்புமிகு தமிழ்நாடு முதலமைச்சர் அவர்கள் இந்நிறுவனத்திற்கு வருகைபுரிந்ததை நினைவுகூரும் வகையில் அங்கு வைக்கப்பட்டிருந்த கண்ணாடித் தகட்டில் கையொப்பமிட்டு, அவ்வளாகத்தில் மரக்கன்று நட்டு, சுவரோவியத்தின் முன்பாக அனைத்து மகளிர் ஊழியர்களுடன் குழுப் புகைப்படமும் எடுத்துக்கொண்டார்.
ரெனால்ட் கார் உற்பத்தித் தொழிற்சாலை
ஒரகடம் சிப்காட் தொழிற்பூங்கா வளாகத்தில் அமைந்துள்ள கார் தொழிற்சாலைக்கு ரெனால்ட் உற்பத்தித் வருகைபுரிந்த மாண்புமிகு தமிழ்நாடு முதலமைச்சர் அவர்கள், தொழிற்சாலையில் கார் உற்பத்திக்கான உதிரி பாகங்களைக் கொண்டு பொருத்தும் பிரிவு, தரம் உறுதிப்படுத்தும் பிரிவு ஆகியவற்றைப் பார்வையிட்டார். பின்னர், மாண்புமிகு தமிழ்நாடு முதலமைச்சர் அவர்கள் நீண்ட சோதனைப் பாதைக்கான (Long Test Track) புதிய ரக ரெனால்ட் டஸ்டர் வாகனத்தைத் தாமாகவே முன்வந்து அவ்வளாகத்தில் உள்ள தடம் 3 மற்றும் 4 வழியாக இயக்கி ஆய்வு மேற்கொண்டார்.
ஒரகடம் சிப்காட் தொழிற்பூங்கா திட்ட அலுவலகத்தில் ஆய்வு
ஒரகடம் சிப்காட் தொழிற்பூங்கா திட்ட அலுவலகத்திற்கு வருகைபுரிந்த மாண்புமிகு தமிழ்நாடு முதலமைச்சர் அவர்களிடம், ஒரகடம் சிப்காட் திட்ட அலுவலகத்தில் மேற்கொள்ளப்பட்டுவரும் பணிகள் குறித்து மாண்புமிகு தொழில் துறை அமைச்சர் மற்றும் தொழில், முதலீட்டு ஊக்குவிப்பு மற்றும் வர்த்தகத்துறை கூடுதல் தலைமைச் செயலாளர் ஆகியோர் விரிவாக எடுத்துரைத்தனர்.