தமிழக முதலமைச்சர் மு.க.ஸ்டாலின் தலைமையில், இன்று தமிழக அமைச்சரவை கூட்டம் கூடுகிறது.
தமிழக சட்டப்பேரவையில் வரும் மார்ச் 14ம் தேதி பட்ஜெட் தாக்கல் செய்யப்படும் என சபாநாயகர் அப்பாவு அறிவித்து இருந்தார். வருகிற 14ம் தேதி காலை 9.30 மணிக்கு தமிழக நிதிநிலை அறிக்கையை தமிழக நிதி அமைச்சர் தங்கம் தென்னரசு தாக்கல் செய்வார் என சபாநாயகர் அப்பாவு அறிவித்தார். தமிழ்நாட்டு நிதிநிலை அறிக்கையை நிதி அமைச்சர் தங்கம் தென்னரசு தாக்கல் செய்யும் நிலையில், 2025-26ம் ஆண்டுக்கான வேளாண் நிதிநிலை அறிக்கையை மார்ச் 15ம் தேதி் வேளாண் துறை அமைச்சர் எம் .ஆர்.கே.பன்னீர்செல்வம் தாக்கல் செய்கிறார்.
இந்த நிலையில், தமிழக முதலமைச்சர் மு.க.ஸ்டாலின் தலைமையில், இன்று தமிழக அமைச்சரவை கூட்டம் கூடுகிறது. சென்னை தலைமைச் செயலகத்தில் முதல்வர் மு.க.ஸ்டாலின் தலைமையில் இன்று பகல் 12 மணிக்கு அமைச்சரவைக் கூட்டம் நடைபெறவுள்ளது. பட்ஜெட் அறிவிப்புகள் தொடர்பாக அமைச்சரவைக் கூட்டத்தில் ஆலோசனை நடத்தப்படுகிறது.
