தமிழ்நாடு நாள் - தமிழ்கூறு நல்லுலகின் வரலாற்றில் தனிப்பெரும் நாள்! : முதல்வர் மு.க.ஸ்டாலின்..!

தாய்நாட்டுக்கு ‘தமிழ்நாடு’ என பெயர் சூட்டி பேரறிஞர் அண்ணா பேரவையில் முழந்த விண்ணதிர்ந்த நாள் இந்நாள் என முதலமைச்சர் மு.க.ஸ்டாலின் பெருமிதம் தெரிவித்துள்ளார்.  

மெட்ராஸ் மாகாணம் என்றழைக்கப்பட்ட நம் தாய்நாட்டிற்கு  1967ல் இதே நாளில் அப்போதைய முதலமைச்சரான பேரறிஞர் அண்ணா, ‘தமிழ்நாடு’ என பெயர் மாற்றம் செய்து சட்டமன்றத்தில் தீர்மானம் கொண்டு வந்தார். அதனாலேயே ஜூலை 18ம் தேதி நாம் தமிழ்நாடு நாள் என கொண்டாடி வருகிறோம். முன்னதாக நவம்பர் மாதம் 1ம் தேதி தமிழ்நாடு நாள் கொண்டாடப்படும் என ஆரிவிக்கப்பட்டிருந்த நிலையில்,  2021ல் முதலமைச்சராக பதவியேற்ற மு.க.ஸ்டாலின்,  ஜூலை 18ம் தேதி ‘தமிழ்நாடு நாள்’ கொண்டாடப்படும் என அறிவித்தார். 

அதன்படி தமிழக அரசு சார்பில் இன்று ‘தமிழ்நாடு நாள்’ கொண்டாடப்படுகிறது. இதுகுறித்து எக்ஸ் தளத்தில் பதிவிட்டுள்ள முதலமைச்சர் மு.க.ஸ்டாலின், “தமிழ்நாடு நாள் - தமிழ்கூறு நல்லுலகின் வரலாற்றில் தனிப்பெரும் நாள்!

ஜூலை 18, 1967: தி.மு.க. எனும் இயக்கம் ஆட்சிப் பொறுப்பேற்றதால் இம்மண்ணின் முகவரியின் முதல் வரியே மாற்றம் பெற்றது.

தமிழ்நாடு என்ற நம் உண்மைப் பெயரை அதிகாரப்பூர்வமாகப் பெற்று, ஆண்டாண்டு காலமாய் நெஞ்சில் சுமந்த கனவு நனவான நாள்.

அதுவரை இல்லாத சிறப்பாய்த் தாய்நிலத்துக்குத் தலைமகன் பேரறிஞர் அண்ணா பெயர்சூட்டி 'தமிழ்நாடு தமிழ்நாடு தமிழ்நாடு' என மூன்று முறை பேரவையில் முழங்க, மேசையொலிகள் விண்ணதிர்ந்த இந்நாள்தான்.!” என்று குறிப்பிட்டுள்ளார்.  

#தமிழ்நாடு_நாள் - தமிழ்கூறு நல்லுலகின் வரலாற்றில் தனிப்பெரும் நாள்!

ஜூலை 18, 1967: தி.மு.க. எனும் இயக்கம் ஆட்சிப் பொறுப்பேற்றதால் இம்மண்ணின் முகவரியின் முதல் வரியே மாற்றம் பெற்றது.

தமிழ்நாடு என்ற நம் உண்மைப் பெயரை அதிகாரப்பூர்வமாகப் பெற்று, ஆண்டாண்டு காலமாய் நெஞ்சில் சுமந்த… pic.twitter.com/ja5fC8zRQ0

— M.K.Stalin (@mkstalin) July 18, 2025