டாஸ்மாக் கடைகளில் கூடுதல் விலைக்கு மது விற்பனை செய்தால் கடும் நடவடிக்கை

தமிழகத்தில் டாஸ்மாக் மதுபானக் கடைகளில் நிர்ணயிக்கப்பட்ட அதிகபட்ச சில்லறை விலையை (MRP) விடக் கூடுதல் விலைக்கு மதுபானங்களை விற்பனை செய்வதைத் தடுக்க புதிய நடவடிக்கைகள் தொடர்பான சுற்றறிக்கை வெளியிடப்பட்டுள்ளது.

சுற்றறிக்கையில் இடம்பெற்றுள்ள முக்கிய அம்சங்கள்:

🔹 மதுபானங்களை நிர்ணயிக்கப்பட்ட MRP விலைக்கு மட்டுமே விற்பனை செய்ய வேண்டும்.

🔹 UPI மற்றும் கார்டு மூலம் பணம் செலுத்தும் முறைகளில் வெளிப்படைத்தன்மையை உறுதி செய்ய நடவடிக்கை.

🔹 வாடிக்கையாளர்களிடம் கூடுதல் தொகை வசூலிப்பதைத் தடுக்கக் கடுமையான கண்காணிப்பு.

🔹 விதிமீறல்களுக்கான அபராத நடவடிக்கைகள் குறித்த விவரங்கள் சுற்றறிக்கையில் குறிப்பிடப்பட்டுள்ளன.

🔹 நுகர்வோர் உரிமைகளைப் பாதுகாப்பதற்கும், விற்பனையில் வெளிப்படைத்தன்மையை உறுதி செய்வதற்கும் முக்கியத்துவம் அளிக்கப்பட்டுள்ளது.

1.11.2026 முதல் ரூ.1000-க்கு மேல் UPI / கார்டு மட்டுமே! 1.1.2027 முதல் ரூ.500-க்கு மேல் கார்டு கட்டாயம். 01.11.2026-க்கு முன்பே அனைத்து கடைகளிலும் POS மெஷின் இருப்பதை உறுதி செய்ய வேண்டும், பழுதை சரி செய்ய வேண்டும், அனைத்து பணியாளர்களுக்கும் UPI/POS பயிற்சி கொடுக்க வேண்டும், 10 நாட்களுக்கு முன்பே மாவட்ட செய்தி குறிப்பு மூலம் மக்களுக்கு தெரிவிக்க வேண்டும் என மாவட்ட மேலாளர்களுக்கு உத்தரவு பிறப்பிக்கப்பட்டுள்ளது.