சென்னை மாநகர பேருந்துகளில் 2 ஆயிரம் ரூபாய் மாத கட்டணத்தில் ஏசி உள்ளிட்ட அனைத்து பேருந்துகளிலும் பயணிக்கும் புதிய திட்டத்தை மாநகர போக்குவரத்து கழகம் கொண்டு வர திட்டமிட்டுள்ளது.
தற்போது சென்னையில் ஆயிரம் ரூபாய் மாத கட்டம் செலுத்தி பாஸ் வைத்திருக்கும் பயணிகள் ஏசி பேருந்து தவிர மற்ற அனைத்து பேருந்துகளிலும் பயணிக்கலாம். இந்த நிலையில், சென்னை மாநகர பேருந்துகளில் ரூ.2,000 கட்டணத்தில் மாதம் முழுவதும் பயணிக்க புதிய திட்டம் கொண்டுவரப்படவுள்ளது. ஏசி உள்ளிட்ட அனைத்து வகையான பேருந்துகளிலும் பயணம் செய்யும் வகையில் விரைவில் அறிமுகம் செய்யப்படவுள்ளது.
மே அல்லது ஜூன் மாதத்திற்கு புதிய திட்டத்தை அறிமுகம் செய்ய சென்னை மாநகர போக்குவரத்து கழகம் முடிவு செய்துள்ளதாக தகவல் வெளியாகியுள்ளது. ரூ.1,000 மாத கட்டண திட்டம் நடைமுறையில் உள்ள நிலையில், பயணிகளின் கோரிக்கையை ஏற்று புதிய திட்டம் விரைவில் அறிமுகம் செய்யப்படவுள்ளது. ரூ.1,000 மாதாந்திர பயண திட்டமும் தொடர வேண்டும் என பயணிகள் கோரிக்கை விடுத்துள்ளனர்.