செம ஆஃபர்..! ஜியோவில் ஒரு ரீசார்ஜ் செய்தால் அடுத்த மாதம் இலவசம்..!

ரிலையன்ஸ் ஜியோ நிறுவனம் குறிப்பிட்ட வாடிக்கையாளர்களுக்கு ‘Buy One Get One’ சலுகையை வழங்குகிறது. இதன்படி, தகுதியுள்ளவர்கள் ரூ.299 அல்லது ரூ.349 திட்டத்தில் ரீசார்ஜ் செய்தால், கூடுதலாக ஒரு மாதத்திற்கான சேவையை இலவசமாகப் பெறலாம். இந்தச் சலுகை அனைத்து வாடிக்கையாளர்களுக்கும் கிடைக்காது. தகுதியானவர்களுக்கு ஜியோ நிறுவனம் எஸ்எம்எஸ் மூலம் தகவல் அனுப்பும். அந்தச் செய்தியில் குறிப்பிடப்பட்டுள்ள திட்டத்தில் MyJio செயலி வழியாக ரீசார்ஜ் செய்ய வேண்டும் என தெரிவிக்கப்பட்டுள்ளது.

திட்டத்தின் விவரங்கள்! 

இந்த புதிய சலுகையானது தேர்ந்தெடுக்கப்பட்ட 299 மற்றும் 349 ரூபாய் Prepaid திட்டங்களுக்கு மட்டுமே பொருந்தும். 299 ரூபாய் திட்டத்தில் 28 நாட்களுக்கு தினசரி 1.5GB டேட்டாவும், வரம்பற்ற அழைப்புகளும், தினமும் 100 SMS-களும் கிடைக்கும்.

349 ரூபாய் ரீசார்ஜ் செய்தால், இதே பலன்களுடன் தினசரி 2ஜிபி டேட்டா கிடைக்கும். இந்த திட்டங்களில் ஒன்றை ரீசார்ஜ் செய்தால், அடுத்த 28 நாட்களுக்கான இதே ரீசார்ஜ் உங்களுக்கு இலவசமாக வழங்கப்படும் என்பதே இதன் சிறப்பு.

சலுகை யாருக்கு கிடைக்கும்!

இந்த அட்டகாசமான சலுகை அனைத்து ஜியோ வாடிக்கையாளர்களுக்கும் நேரடியாக கிடைக்காது. நிறுவனம் சார்பில் யாருக்கெல்லாம் இதற்கான அதிகாரப்பூர்வ மெசேஜ் அல்லது வாய்ஸ் கால் வந்திருக்கிறதோ அவர்களுக்கு மட்டுமே இந்த பலன் கிடைக்கும்.

உங்களுக்கு எந்த மெசேஜும் வரவில்லை என்றால், நீங்களாகவே 299 அல்லது 349 ரூபாய் ரீசார்ஜ் செய்தால் இலவச ரீசார்ஜ் கிடைக்கும் என நம்பி ஏமாற வேண்டாம். இது ஒரு குறிப்பிட்ட காலத்திற்கு மட்டுமே அறிவிக்கப்பட்ட Limited சலுகையாகும்.

சலுகையை எப்படி பெறுவது?

உங்களுக்கு சலுகை குறித்த மெசேஜ் வந்திருந்தால், MyJio App மூலம் அந்த குறிப்பிட்ட திட்டத்தை ரீசார்ஜ் செய்ய வேண்டும். உடனே உங்களுக்கு இலவச ரீசார்ஜ் கிடைக்காது. நீங்கள் செய்த முதல் ரீசார்ஜின் வேலிடிட்டி 28 நாட்கள் முடிவடைந்த பிறகே, அடுத்த மாதத்திற்கான பலன் உங்கள் கணக்கில் வரவு வைக்கப்படும். இதை மைஜியோ ஆப்பில் உள்ள Voucher பகுதியில் செக் செய்து கொள்ளலாம்.

உஷாராக இருக்க வேண்டிய விஷயங்கள்! 

எந்தவொரு ரீசார்ஜ் செய்யும் முன்பும் அது அதிகாரப்பூர்வ இணையதளத்தில் ஆக்டிவாக உள்ளதா என்பதை ஒருமுறை நன்றாக செக் செய்து கொள்வது அவசியமாகும். இலவசம் என வரும் அறிமுகமில்லாத WhatsApp அல்லது மெசேஜ் லிங்குகளை எக்காரணம் கொண்டும் கிளிக் செய்யக் கூடாது. அதேபோல OTP எண்களை யாரிடமும் ஷேர் செய்வதைக் கண்டிப்பாகத் தவிர்க்க வேண்டும். இது உங்களின் டிஜிட்டல் பாதுகாப்பை உறுதி செய்யும்.