சேகர் பாபு, கலாநிதி வீராசாமி எம்.பி. உட்பட 10 பேர் மீது சட்ட நடவடிக்கை!

பள்ளிக்கல்வித் துறை நிதி முறைகேடு தொடர்பாக முன்னாள் கல்வி அமைச்சர் அன்பில் மகேஸ் பொய்யாமொழி சமீபத்தில் கைது செய்யப்பட்டு நீதிமன்றக் காவலில் வைக்கப்பட்டார்.

விசாரணைக்குப் பின்னர் அன்பில் மகேஸ் கைது செய்யப்பட்ட போது, அவரது ஆதரவாளர்களும் கட்சி நிர்வாகிகளும் கைது நடவடிக்கை நடைபெற்ற இடத்தில் பெருமளவில் திரண்டனர்.

அப்போது அங்குப் பணியில் இருந்த காவல் துறை அதிகாரிகள் மற்றும் பாதுகாப்புப் படையினருடன் தீவிர வாக்குவாதம் நிலவியது.

கைது நடவடிக்கையின் போது காவல் துறையினரை நோக்கி அவதூறான வார்த்தைகளைப் பேசியதாகவும், அரசு அதிகாரிகளை அவர்களின் சட்டப் பூர்வமான கடமையைச் செய்ய விடாமல் தடுத்து இடையூறு ஏற்படுத்தியதாகவும் குற்றச்சாட்டுகள் எழுந்தன.

சம்பவ இடத்தில் பதிவு செய்யப்பட்ட காணொளிகள் மற்றும் காவல் அதிகாரிகளின் புகாரின் அடிப்படையில் துரிதமான விசாரணை மேற்கொள்ளப்பட்டது.

இந்த விவகாரத்தில் நேரடியாகத் தொடர்புடைய முன்னாள் அமைச்சர் பி.கே. சேகர் பாபு மற்றும் நாடாளுமன்ற உறுப்பினர் கலாநிதி வீராசாமி ஆகியோர் மீது வேப்பேரி காவல் நிலையத்தில் வழக்குப்பதிவு செய்யப்பட்டுள்ளது.

இவர்களைத் தவிர, கைது சம்பவத்தின் போது காவல் துறையினருக்கு எதிராகக் செயல்பட்டதாக அடையாளம் காணப்பட்ட 10 பேர் மீது வழக்குகள் பதிவு செய்யப்பட்டுள்ளன.