பள்ளி வேலைநாட்கள் குறைப்பு.. திருத்தப்பட்ட நாட்காட்டியை வெளியிட்டது பள்ளிக்கல்வித்துறை..

பள்ளிகளில் நடப்பு கல்வியாண்டில் 10 வேலைநாட்களை குறைத்து, திருத்தப்பட்ட நாட்காட்டியை பள்ளிக்கல்வித்துறை வெளியிட்டுள்ளது.  

பொதுவாக ஒவ்வொரு கல்வியாண்டும் 210 சராசரி வேலைநாட்களை கொண்டிருக்கும் நிலையில், நடப்பு கல்வியாண்டில் 220 நாட்களை வேலைநாட்களாக கொண்டு நாட்காட்டி வெளியிடப்பட்டது.  வேலைநாட்களை குறைக்க வேண்டும் என பல தரப்பில் வந்த கோரிக்கையை ஏற்று, 10 வேலை நாட்களை குறைத்து  210 வேலைநாட்கள் இருக்கும் வகையில் புதிய நாட்காட்டி வெளியிடப்பட்டுள்ளது.  இந்த 10 நாட்கள் ஆசிரியர்களுக்கான கல்விசார் பயிற்சி நாட்களாக இருக்கும் எனவும் தெரிவிக்கப்பட்டுள்ளது.