தமிழகத்தின் காலை 10 மணிக்குள் 15 மாவட்டங்களில் மழைக்கு வாய்ப்புள்ளதாக வானிலை மையம் தெரிவித்துள்ளது.
தமிழகத்தின் உள்பகுதிகளில் மேல் நிலவும் வளிமணடல கீழடுக்கு சுழற்சி காரணமாக இன்று முதல் வருகிற 5ம் தேதி வரை ஒரு சில இடங்களில் இடி, மின்னலுடன் லேசானது முதல் மிதமாக மழை பெய்யக்கூடும் எனவும் தெரிவிக்கப்பட்டுள்ளது. அதன்படி இன்று நீலகிரி, கோவை மாவட்ட மலைப்பகுதிகள் , திண்டுக்கல், தேனி, விருதுநகர், தென்காசி, திருநெல்வேலி, கன்னியாகுமரி, தூத்துக்குடி மாவட்டங்களில் ஓரிரு இடங்களில் கனமழை பெய்யக்கூடும் என வானிலை மையம் குறிப்பிட்டிருந்தது.
இந்த நிலையில் தமிழகத்தில் காலை 10 மணிக்குள் 15 மாவட்டங்களில் மழை பெய்ய வாய்ப்புள்ளதாக வானிலை ஆய்வு மையம் தெரிவித்திருக்கிறது. அந்தவகையில் கோவை, நீலகிரி, தஞ்சாவூர், மதுரை, விருதுநகர், ராமநாதபுரம், கன்னியாகுமரி, தென்காசி, நெல்லை, தூத்துக்குடி, சிவகங்கை, புதுக்கோட்டை, மயிலாடுதுறை, தஞ்சாவூர், திருவாரூர் ஆகிய மாவட்டங்களில் லேசானது முதல் மிதமான மழை பெய்யும் என கூறியுள்ளது.