“நீங்களும் திமுகவில் இணைவீர்களா?”- செய்தியாளர்களின் கேள்விக்கு ஓபிஎஸ் பதில்

ஓ.பன்னீர்செல்வத்திடம், நீங்களும் தி.மு.க வில் இணைவீர்களா என செய்தியாளர்கள் எழுப்பிய கேள்விக்கு, பொறுமையாக இருங்கள், உங்களை அழைத்து கூறுவேன் என பதில் அளித்தார்.

தேனி செல்வதற்காக முன்னாள் முதலமைச்சர் ஓ. பன்னீர்செல்வம் சென்னையிலிருந்து விமானம் மூலம் திருச்சி வந்தடைந்தார். அவரை முன்னாள் அமைச்சர் வெல்லமண்டி நடராஜன் வரவேற்றார். தொடர்ந்து செய்தியாளர்கள் எழுப்பிய கேள்விக்கு பதில் அளித்த ஓ.பன்னீர் செல்வம், வைத்தியலிங்கம் திமுகவில் இணைந்தது குறித்து அவரிடம் தான் கேட்க வேண்டும். தமிழ்நாடு வரும் பிரதமரை சந்திக்க நேரம் கேட்கவில்லை. திமுகவில் இணைவீர்களா என்கிற கேள்விக்கு உங்களை அழைத்து கூறுவேன், பொறுமையாக இருங்கள் என பதில் அளித்தார். தொடர்ந்து என்னுடைய அடுத்த கட்ட நடவடிக்கை குறித்து விரைவில் நீண்ட அறிக்கை வெளியிடுவேன் என்றார். பின்னர் ஓ.பன்னீர் செல்வத்துடன் இணைந்து வெல்லமண்டி நடராஜனும் காரில் புறப்பட்டார்