அரியலூரில் புதிதாக கட்டப்பட்டு வரும் மருத்துவக் கல்லூரி கட்டிடத்தின் 4-வது மாடியில் வேலை பார்த்து வந்த வடமாநில தொழிலாளி கீழே விழுந்து உயிரிழந்த சம்பவம் சோகத்தை ஏற்படுத்தியுள்ளது.
அரியலூர் நகரில் புதிதாக கட்டப்பட்டு வரும் மருத்துவக்கல்லூரிக்கு மருத்துவ கல்லூரி வளாகம், தங்கும் விடுதி, மருத்துவமனை உள்ளிட்ட கட்டுமான பணிகள் நடைபெற்றுவருகிறது. இதில் மருத்துவமனை 5 மாடி கட்டிடம் கட்டப்பட்டுவருகிறது. இந்த பணியில் 570 வடமாநில தொழிலாளர்கள் உட்பட மொத்தம் 670 தொழிலாளர்கள் பணியாற்றி வருகின்றனர்.
இந்நிலையில் இன்று 4-வது மாடியில் ஒட்டுக்கு போட்ட இரும்பு பலகையை பிரித்து கொண்டிருந்தபோது, மேற்கு வங்காளம் தொழிலாளி மிந்து மண்டல் கீழே விழுந்ததில் சம்பவ இடத்திலேயே உயிரிழந்தார். இதுகுறித்து அரியலூர் போலீசார், வழக்குப்பதிவு செய்து விசாரணை மேற்கொண்டுவருகின்றார்.