மதுராந்தகத்தில் ரோடு போடல.. தண்ணீர் கொடுக்கல.. - எம்.எல்.ஏ மரகதம் அருகிலேயே வைத்து அமைச்சர் ஆதவ் அர்ஜுனா விளாசல்!
செங்கல்பட்டு மாவட்டம், மதுராந்தகம் சட்டப்பேரவை தொகுதி இடைத்தேர்தலில், தவெக சார்பில் போட்டியிடும் வேட்பாளர் மரகதம் குமரவேல் தீவிர வாக்கு சேகரிப்பில் ஈடுபட்டு வருகிறார்.
இந்நிலையில், அமைச்சர்கள் ஆதவ் அர்ஜுனா, ராஜ்மோகன் ஆகியோர் தீவிர பிரச்சாரத்தில் ஈடுபட்டார்.
அப்போது அமைச்சர் ஆதவ் அர்ஜுனா பேசும்போது, “தவெகவைச் சேர்ந்த வேட்பாளர்கள் பணம் கொடுத்து வாக்கு சேகரிப்பில் ஈடுபடமாட்டார்கள். மேலும், பணம் வழங்கி வாக்கு சேகரிக்க வேண்டிய அவசியம் தவெக வேட்பாளர்களுக்கு இல்லை.
நாங்கள் பணம் வழங்காமல் 108 தொகுதிகளில் வெற்றி பெற்று ஆட்சியில் உள்ளோம். எங்கள் மீது வீண் பழி சுமத்த வேண்டாம். இட்டை இலையும் விசிலும் ஒன்றுதான். அதனால், திமுகவை புறக்கணித்து இரட்டை இலைக்கு வாக்களிப்பவர்களும் கூட விசில் சின்னத்துக்கு வாக்களியுங்கள்.
திமுகவுக்கு வாக்களிப்பதினால், உங்களுக்கு என்ன பயன்? அதனால், ஆளுங்கட்சியான தவெகவுக்கு வாக்களியுங்கள். திமுக தலைவர் மு.க.ஸ்டாலின் மற்றும் அக்கட்சியின் பொதுச் செயலாளர் துரைமுருகன் உள்பட பல அமைச்சர் தோல்வியை சந்தித்துள்ளனர்.
தற்போது இருப்பது கருணாநிதி இருந்த திமுக இல்லை. உதயநிதி ஸ்டாலினால் பாதுகாக்கப்படும் திமுகவாக உள்ளது. அதனால், ஆளுங்கட்சி வேட்பாளருக்கு வாக்களியுங்கள்.
பரப்புரையின் போது, மரகதம் குமரவேல் அருகிலேயே நின்றுகொண்டிருக்க, அமைச்சர் ஆதவ் அர்ஜுனா திமுக மற்றும் அதிமுக ஆகிய கட்சிகளைக் கடுமையாக விமர்சித்துப் பேசினார்:
- தேர்தல் விமர்சனம்: "கடந்த 5 வருடமாக இத்தொகுதியின் எம்.எல்.ஏ-வாக இருந்த மரகதம் குமரவேல் அக்கா, திமுக மற்றும் அதிமுகவின் மக்கள் விரோதச் செயல்பாடுகளை எதிர்த்துதான் தனது பதவியை ராஜினாமா செய்துவிட்டு தவெகவில் இணைந்துள்ளார். அவர் மீண்டும் வெற்றி பெற்று தவெகவின் ஆளுங்கட்சி எம்.எல்.ஏ-வாக இங்குள்ள தண்ணீர் மற்றும் வீடு போன்ற அடிப்படைப் பிரச்சினைகளைத் தீர்த்து வைப்பார்" என்று பேசினார்.
- திமுக, அதிமுக மீதான குற்றச்சாட்டு: "பெட்டி பெட்டியாகக் காசு வாங்கிய திமுகவிற்கும், எதிர்க்கட்சி அந்தஸ்தை இழந்த அதிமுகவிற்கும் இடையே யார் 2-வது இடத்தைப் பிடிப்பது என்ற போட்டிதான் நடக்கிறது. தவெகவைச் சேர்ந்த வேட்பாளர்கள் காசு கொடுத்து வாக்கு சேகரிப்பதில்லை" என்றும் அவர் அனல் பறக்கக் குறிப்பிட்டார்.
- பரபரப்புச் சம்பவம்: அமைச்சர் ஆதவ் அர்ஜுனா மேடையில் தீவிரமாகப் பேசிக் கொண்டிருந்த சமயத்தில் திடீரென மின்வெட்டு (பவர் கட்) ஏற்பட்டது அரசியல் வட்டாரத்தில் பெரும் பரபரப்பை ஏற்படுத்தியது
#WATCH | "மதுராந்தகத்தில் ரோடு போடல.. தண்ணீர் கொடுக்கல.."
— Sun News (@sunnewstamil) September 25, 2026
கடந்த 5 வருடமாக இத்தொகுதியின் MLA-வாக இருந்த மரகதம் குமரவேல் அருகிலேயே நின்றுகொண்டு அமைச்சர் ஆதவ் அர்ஜுனா பேச்சு#SunNews | #Maduranthakam | #AadhavArjuna pic.twitter.com/0lt1Zu3ZAc