"என் மீதான பாலியல் குற்றச்சாட்டுகள் அடிப்படை ஆதாரமற்றவை"- நிவின் பாலி
படவாய்ப்பு தருவதாக கூறி பாலியல் தொல்லைக் கொடுத்ததாக பெண் ஒருவர் அளித்த புகாருக்கு நடிகர் நிவின்பாலி மறுப்பு தெரிவித்துள்ளார்.
தமிழில் நேரம், ரிச்சி ஆகிய படங்களில் நடித்தவர் நிவின் பாலி. இந்நிலையில் சினிமாவில் வாய்ப்பு பெற்றுத் தருவதாக கூறி பாலியல் அத்துமீறலில் ஈடுபட்டதாக நடிகர் நிவின் பாலி மீது ஜாமீனில் வெளிவர முடியாத பிரிவுகளில் வழக்குப்பதிவு செய்யப்பட்டுள்ளது. நிவின் பாலி மீது நெரியமங்கலத்தை சேர்ந்த பெண் புகார் அளித்த நிலையில், அவர் மீது எர்ணாகுளம் போலீசார் வழக்குப்பதிவு செய்துள்ளனர். மேலும் நிவின் பாலி மீதான வழக்கு சிறப்பு புலனாய்வுக் குழுவிற்கு மாற்றம் செய்யப்பட்டுள்ளது.
— Nivin Pauly (@NivinOfficial) September 3, 2024
இந்நிலையில் குற்றச்சாட்டுக்கு மறுப்பு தெரிவித்துள்ள நடிகர் நிவின்பாலி, “நான் தவறாக நடந்துகொண்டதாக பெண் ஒருவர் புகார் அளித்துள்ளார் என்ற செய்தியை பார்த்தேன். இது முற்றிலும் உண்மைக்குப் புறம்பானது. இந்தக் குற்றச்சாட்டுகள் ஆதாரமற்றவை என்பதை நிரூபிக்க எந்த எல்லைக்கும் செல்ல உறுதியாக இருக்கிறேன். இதனை சட்டப்படி கையாளுவேன்” என அறிக்கை வெளியிட்டுள்ளார்.