உங்கள் பாக்கெட்டைப் பாதிக்கும் புதிய விதிகள்! - இன்று முதல் அமலுக்கு வரும் 5 முக்கிய மாற்றங்கள்..!

ஒவ்வொரு மாதமும் முதல் தேதியில், எண்ணெய் சந்தைப்படுத்தல் நிறுவனங்கள் (OMCகள்) சமையல் எரிவாயுவின் விலைகளை மதிப்பாய்வு செய்கின்றன. ஒவ்வொரு மாதத்தின் முதல் நாளிலும் வழக்கமாக மேற்கொள்ளப்படுவது போலவே, ஏப்ரல் 1 முதல் சமையல் எரிவாயு (LPG) சிலிண்டர் விலைகள் திருத்தி அமைக்கப்படலாம். மத்திய கிழக்குப் பிராந்தியத்தில் நிலவி வரும் தொடர் பதற்றங்களின் காரணமாக, எண்ணெய் நிறுவனங்கள் எரிபொருள் விலைகளை உயர்த்தக்கூடும். வணிக உபயோக மற்றும் வீட்டு உபயோக எல்பிஜி சிலிண்டர்களின் விலைகள் கணிசமாக உயரக்கூடும் என நிபுணர்கள் கருதுகிறார்கள்.

எல்பிஜி விலைகளைத் தவிர, விமானப் பயணக் கட்டணத்தை நிர்ணயிக்கும் ஏர் டர்பைன் எரிபொருள் (ATF) மற்றும் CNG, PNG ஆகியவற்றின் விலைகளும் பெரும்பாலும் மாதத்தின் முதல் நாள் அதிகரிக்கப்படுகின்றது. போர் பதற்றம் காரணமாக விமான எரிபொருள் (ATF) மற்றும் CNG/PNG ஆகியவற்றின் விலைகளிலும் மாற்றங்கள் ஏற்பட வாய்ப்புள்ளது.

வங்கி ATM விதிகளில் மாற்றங்கள் :

HDFC வங்கி: இனிமேல் ATM-களில் செய்யப்படும் UPI வாயிலாகப் பணம் எடுக்கும் பரிவர்த்தனைகளும், இலவச ATM பரிவர்த்தனை வரம்பிற்குள் கணக்கிடப்படும். மாதத்திற்கு 5 பரிவர்த்தனைகளுக்கு மேல் மேற்கொள்ளப்பட்டால், ஒரு பரிவர்த்தனைக்கு ரூ. 23 கட்டணமாக வசூலிக்கப்படலாம்.

PNB (பஞ்சாப் நேஷனல் வங்கி): சில வகையான டெபிட் கார்டுகளுக்கான தினசரி பணம் எடுக்கும் வரம்பு, ரூ. 1 லட்சத்திலிருந்து ரூ. 50,000 முதல் ரூ. 75,000 வரை குறைக்கப்பட்டுள்ளது.

Bandhan வங்கி: பெருநகரங்களில் மாதத்திற்கு 3 ATM பரிவர்த்தனைகளும், பெருநகரங்கள் அல்லாத பிற பகுதிகளில் 5 ATM பரிவர்த்தனைகளும் இலவசமாக அனுமதிக்கப்படும். கூடுதல் பரிவர்த்தனைகளை மேற்கொள்ளும்போது ஒரு பரிவர்த்தனைக்கு ரூ. 23 கட்டணமாக வசூலிக்கப்படும். வங்கி இருப்பில் போதிய பணம் இல்லாத காரணத்தினால் ATM பரிவர்த்தனைகள் தோல்வியடைந்தால், ரூ. 25 அபராதமாக வசூலிக்கப்படும்.

 கடுமையான PAN அட்டை விதிகள்

PAN அட்டைக்கு விண்ணப்பிக்கவோ அல்லது அதில் திருத்தங்கள் மேற்கொள்ளவோ, இனிமேல் ஆதார் அட்டை மட்டும் போதுமானதாக இருக்காது. விண்ணப்பதாரர்கள் பிறப்புச் சான்றிதழ் போன்ற கூடுதல் ஆவணங்களையும் சமர்ப்பிக்க வேண்டியிருக்கும். புதிய விதிகள் நடைமுறைக்கு வருவதற்கு முன்பாகவே, நிலுவையில் உள்ள PAN அட்டை விண்ணப்பங்களை முழுமையாகப் பூர்த்தி செய்து முடித்துவிடுமாறு அறிவுறுத்தப்படுகிறது.

 ரயில் பயணச்சீட்டு ரத்து செய்வதற்கான கட்டணம் உயர்கிறது

உறுதி செய்யப்பட்ட ரயில் பயணச்சீட்டுகளை ரத்து செய்யும்போது, ​​பயணிகள் இனிமேல் அதிகக் கட்டணம் செலுத்த வேண்டியிருக்கும். ரயில் புறப்படுவதற்கு 8 மணி நேரத்திற்குள் பயணச்சீட்டு ரத்து செய்யப்பட்டால், பயணிகளுக்கு எவ்வித ரீஃபண்டும் வழங்கப்படாது. முன்னர் இந்த கால வரம்பு 4 மணி நேரமாக இருந்தது.

கேன்சலேஷன் கட்டணங்கள்:

- புறப்படுவதற்கு 8 முதல் 24 மணி நேரத்திற்கு முன்: 50% ரீஃபண்ட்
- 24 முதல் 72 மணி நேரத்திற்கு முன்: 25% ரீஃபண்ட்
- 72 மணி நேரத்திற்கும் மேலாக: அதிகபட்ச பணத் திருப்பம் கிடைக்கும்

புதிய வருமான வரி விதிகள்

ஏப்ரல் 1 முதல் 1961-ஆம் ஆண்டின் வருமான வரிச் சட்டத்திற்குப் பதிலாக, 2025-ஆம் ஆண்டின் வருமான வரிச் சட்டம் நடைமுறைக்கு வரும். வருமான வரித் தாக்கல் (ITR) செய்வதற்கு, 'படிவம் 16'-க்குப் பதிலாக ஒரு புதிய படிவம் அறிமுகப்படுத்தப்படும். 'படிவம் 16A' என்பது 'படிவம் 131' எனப் பெயர் மாற்றம் செய்யப்படும். மேலும், இப்படிவம் 15 நாட்களுக்குள் வழங்கப்பட வேண்டும்.