உள்ளூரிலேயே விலை போகாதவர் பிரஷாந்த் கிஷோர் - அமைச்சர் கே.என்.நேரு விமர்சனம்!

உள்ளூரிலேயே விலை போகாதவர் பிரஷாந்த் கிஷோர் என அமைச்சர் கே.என்.நேரு விமர்சித்துள்ளார். 

தமிழக வெற்றி கழகத்தின் இரண்டாம் ஆண்டு தொடக்க விழா நிகழ்ச்சி மாமல்லபுரம் அருகே பூஞ்சேரியில் நடைபெற்றது. இந்த நிகழ்ச்சியில் தேர்தல் வியூக வகுப்பாளர் பிரஷாந்த் கிஷோர் உள்ளிட்டோர் பங்கேற்றனர். இந்த நிலையில், உள்ளூரிலேயே விலை போகாதவர் பிரஷாந்த் கிஷோர் என அமைச்சர் கே.என்.நேரு விமர்சித்துள்ளார். 

திருச்சியில் திமுக சார்பில் நடைபெற்ற கூட்டத்தில் பேசிய அமைச்சர் கே.என்.நேரு, தமிழக வெற்றி கழகத்தின் தொடக்க விழாவில் பிரசாந்த் கிஷோர் இணையப்  போகிறார் என சொன்னார்கள். உள்ளூரில் விலை போகாத பிரசாந்த் கிஷோரை வரவழைத்துள்ளார் விஜய். பிரசாந்த் கிஷோர் பிகாரில் தேர்தலில் போட்டியிட்டு டெபாசிட் கூட வாங்கவில்லை. ஆனால் அவர் இங்கு வந்து தேர்தல் வியூகம் கூறுகிறார் என்றால் எந்த அளவுக்கு அந்த வியூகம் இருக்கும், எப்படி வெற்றி இருக்கும் என்பதை பார்க்க வேண்டும் என கூறினார்.