பள்ளிகளில் மாதவிடாய் சுகாதாரம்- அரசு உத்தரவு

பள்ளிகளில் மாதவிடாய் சுகாதார மேலாண்மை குறித்த உச்ச நீதிமன்ற உத்தரவை செயல்படுத்த தமிழ்நாடு அரசு உத்தரவு பிறப்பித்துள்ளது.

இதுகுறித்து தமிழ்நாடு அரசு வெளியிட்டுள்ள அறிக்கையில், “பள்ளிகளில் உரிய நீர் இணைப்புடன் கூடிய, தனித்தனி பெண்கள் கழிப்பறைகள் இருப்பதை உறுதி செய்ய வேண்டும். பருவமடைதல், மாதவிடாய் சுகாதாரம், பிசிஓஎஸ் குறித்து விழிப்புணர்வை ஏற்படுத்த வேண்டும். மாற்றுத்திறன் மாணவிகள் அணுகத்தக்கதாக, சோப்பு, நீர், கைகழுவும் வசதிகளுடன் கழிப்பறை வைத்திருக்க வேண்டும். பள்ளிகளில் மாணவிகளுக்கு மறுசுழற்சி செய்யத்தக்க இலவச நாப்கின்கள் வழங்கப்பட வேண்டும். பள்ளிகளில் அனைத்து வசதிகளும் முறையாக செயல்படுவதை தலைமை ஆசிரியர் உறுதி செய்ய வேண்டும்” எனக் குறிப்பிட்டுள்ளது.