இன்று முதல் அமலுக்கு வரும் முக்கிய மாற்றங்கள்..!

ஒவ்வொரு மாத தொடக்கத்திலும் எண்ணெய் நிறுவனங்கள் எல்பிஜி சிலிண்டரின் விலைகளில் மாற்றங்களை செய்கிறன. ஆகஸ்ட் 1 அன்று, 19 கிலோ எடைகொண்ட வணிக LPG சிலிண்டரின் விலை ரூ.33.50 குறைக்கப்பட்டது. ஆனால் வீட்டு உபயோக LPG சிலிண்டர்களின் விலைகள் அப்படியே இருந்தன.அந்த வகையில், செப்டம்பர் 1-ம் தேதி (திங்கட்கிழமை) முதல் வணிக பயன்பாட்டுக்கான சமையல் காஸ் சிலிண்டர் விலை ரூ.51.50 குறைந்தது. வீட்டு உபயோக காஸ் சிலிண்டர் விலை எந்த மாற்றமும் இன்றி விற்பனையாகும்.

வருமான வரி தாக்கல்

வருமான வரித் துறை இந்த முறை வருமான வரி தாக்கல் செய்வதற்கான கடைசி தேதியை ஜூலை 30, 2025-லிருந்து செப்டம்பர் 15, 2025 வரை நீட்டித்துள்ளது. எனவே நீங்கள் செப்டம்பர் 15-ஆம் தேதிக்குள் வருமான வரி தாக்கல் செய்ய வேண்டும். இல்லையெனில், அபராத நோட்டீஸ் வரக்கூடும்.

ஓய்வூதிய திட்டம் (UPS)

தேசிய ஓய்வூதியத் திட்டத்தின் (NPS) கீழ் வரும் மத்திய அரசு ஊழியர்கள், ஒருங்கிணைந்த ஓய்வூதியத் திட்டத்தை (UPS) தேர்ந்தெடுப்பதற்கு செப்டம்பர் 30 வரை அவகாசம் உள்ளது. முன்னதாக இந்த தேதி ஜூன் 30 ஆக இருந்தது, பின்னர் செப்டம்பர் 30 வரை நீட்டிக்கப்பட்டது.

கிரெடிட் கார்டு விதிகள்

நாட்டின் மிகப்பெரிய பொதுத் துறை வங்கியான எஸ்பிஐ, தனது கிரெடிட் கார்டு தொடர்பான விதிகளில் மாற்றம் செய்யப்பட்டுள்ளது. இனி செப்டம்பர் 1 முதல், டிஜிட்டல் கேமிங் பிளாட்ஃபாரங்கள், சில வணிகர்கள், மற்றும் அரசாங்க பரிவர்த்தனைகளுக்கு செய்யப்படும் செலவுகளுக்கு ரிவார்டு பாய்ண்ட் வழங்கப்படாது. இதனால், கார்டு வைத்திருப்பவர்களின் பாக்கெட்டில் நேரடி பாதிப்பு ஏற்படும்.

 பிக்சிடு டெபாசிட் (FD)

இந்தியன் வங்கி மற்றும் ஐடிபிஐ வங்கி போன்ற வங்கிகள் தற்போது சில சிறப்பு கால நிலையான வைப்புத் திட்டங்களை நடத்தி வருகின்றன. இந்தியன் வங்கியின் 444 நாள் மற்றும் 555 நாள் திட்டங்களில் முதலீடு செய்வதற்கான கடைசி தேதி செப்டம்பர் 30, 2025 ஆகும். இதேபோல், ஐடிபிஐ வங்கியின் 444 நாள், 555 நாள் மற்றும் 700 நாள் சிறப்பு FD-களில் முதலீடு செய்வதற்கான கடைசி தேதியும் செப்டம்பர் 30 ஆகும்.

வெள்ளி நகை ஹால்மார்க்

வெள்ளி நகைகளின் தூய்மை குறித்த புதிய விதி நடைமுறைக்கு வரும். செப்டம்பர் 1 முதல் வெள்ளி நகைகளுக்கு ஹால்மார்க் விதி அமல்படுத்தப்படலாம். தொடக்கத்தில் இது விருப்பத்துக்குரியதாக இருக்கும். அதாவது, வாடிக்கையாளர்கள் விரும்பும் ஹால்மார்க் நகை வாங்கலாம் அல்லது சாதாரண நகை வாங்கலாம்.

அஞ்சலக சேவை மாற்றம்

அஞ்சலகத்தில் முக்கியமான மாற்றம் ஏற்பட உள்ளது. இனி பதிவு அஞ்சல் (பதிவு செய்யப்பட்ட இடுகை) தனியாக இல்லாமல், ஸ்பீட் போஸ்ட் (ஸ்பீடு போஸ்ட்) சேவையுடன் இணைக்கப்பட்டுள்ளது. அதாவது, செப்டம்பர் 1 முதல் நீங்கள் அனுப்பும் பதிவுகள் அனைத்தும் ஸ்பீட் போஸ்ட் மூலம் மட்டுமே அனுப்பப்படும். தனி சேவை என பதிவு அஞ்சல் இனி இல்லை.