மதபோதகர் ஜான் ஜெபராஜ்க்கு எதிராக லுக் அவுட் நோட்டீஸ் அனுப்பப்பட்டுள்ளது.
கடந்த ஆண்டு மே 21ம் தேதி, கோவை ஜி.என்.மில்ஸ் பகுதியில் உள்ள தனது வீட்டில் நடந்த பார்ட்டியில், 2 சிறுமிகளை பாலியல் சீண்டல் செய்ததாக கோவை கிராஸ் கட் சாலையில் உள்ள சபையை சேர்ந்த போதகர் ஜான் ஜெபராஜ் மீது பாலியல் புகார் எழுந்தது. புகாரின் பேரில் கோவை மத்திய அனைத்து மகளிர் காவல் துறையினர் ஜான் ஜெபராஜ் மீது போக்சோவில் வழக்குப்பதிவு செய்யப்பட்டுள்ளது. இதனையடுத்து தலைமறைவாக உள்ள ஜான் ஜெபராஜை பிடிக்க தனிப்படை அமைத்து போலீசார் தீவிர தேடுதல் வேட்டையில் ஈடுபட்டுள்ளனர்.
இந்நிலையில் ஜான் ஜெபராஜ் வெளிநாடு தப்புவதை தடுக்க, அனைத்து விமான நிலையங்கள் மற்றும் துறைமுகங்களுக்கு கோவை காவல்துறை லுக் அவுட் நோட்டீஸ் அனுப்பியுள்ளது. இதனிடையே ஜான் ஜெபராஜ் கர்நாடக மாநிலம் பெங்களூரில் பதுங்கியிருப்பதாக கிடைத்த தகவலின் பேரில் கோவை தனிப்படை போலீசார் அங்கு விரைந்துள்ளனர். நெல்லை மற்றும் தென்காசியிலும் தனிப்படை போலீசார் முகாமிட்டு, ஜெபராஜை தேடிவருகின்றனர்.