விஜய் ஆண்டனியின் மகள் தற்கொலை - லியோ போஸ்டர் வெளியீடு தள்ளிவைப்பு

நடிகர் விஜய் ஆண்டனியின் மகள் தற்கொலை காரணமாக லியோ போஸ்டர் வெளியீடு தள்ளிவைக்கப்பட்டுள்ளதாக படக்குழு தெரிவித்துள்ளது.

நடிகர் விஜய் ஆண்டனியின் 12ம் வகுப்பு படிக்கும் மகள், மன அழுத்தம் காரணமாக தூக்கிட்டு தற்கொலை செய்து கொண்டதாக காவேரி மருத்துவமனை தகவல் தெரிவித்துள்ளது. சென்னையில் உள்ள பிரபல தனியார் பள்ளியில் பன்னிரண்டாம் வகுப்பு படித்து வந்ததாகவும், சற்று மன அழுத்தத்தில் இருந்து வந்ததாகவும் தெரிகிறது. இந்த சூழலில் நேற்றிரவு தூங்க சென்ற மீராவை  விடியற்காலை 3 மணி அளவில் அவரது தந்தை விஜய் ஆண்டனி படுக்கை அறையில் சென்று பார்த்த போது, அவர் துப்பட்டாவால் மின்விசிறியில் தூக்கிட்டு கொண்டதை கண்டு அதிர்ச்சியடைந்தார். இதை தொடர்ந்து உடனடியாக வீட்டின் பணியாளர் உதவியுடன் கீழே இறக்கி காரின் மூலம் காவேரி மருத்துவமனைக்கு கொண்டு சென்றுள்ளார்.  அங்கு மருத்துவர்கள் பரிசோதனை செய்ததில் ஏற்கனவே இவர் இறந்து விட்டதாக கூறியுள்ளனர். இதுதொடர்பாக தேனாம்பேட்டை போலீசார் வழக்குப்பதிவு செய்து விசாரணை நடத்தி வருகின்றனர். 

இந்த நிலையில், விஜய் ஆண்டனியின் மகள் தற்கொலை செய்துகொண்ட திரையுலகினர் மத்தியில் சோகத்தை ஏற்படுத்தியுள்ள நிலையில், லியோ திரைப்படத்தின் போஸ்டர் வெளியீடு தள்ளி வைக்கப்பட்டுள்ளது. விஜய் ஆண்டனியின் மகள் தற்கொலை காரணமாக போஸ்டர் வெளியீடு தள்ளிவைக்கப்பட்டுள்ளதாக படக்குழு தெரிவித்துள்ளது.  நண்பர் விஜய் ஆண்டனியின் இழப்பு ஈடு செய்ய முடியாதது என்றும் அவருடைய துக்கத்தில் பங்கேற்பதாகவும் தயாரிப்பு நிறுவனம் அறிவித்துள்ளது.