#JUST IN : அதிமுகவின் வெற்றிக்காக அமமுக முழு ஆதரவு அளிக்கும் - டிடிவி தினகரன்..!!

திருச்சியில் செய்தியாளர்களைச் சந்தித்த அமமுக பொதுச்செயலாளர் டிடிவி தினகரன், வரவிருக்கும் இடைத்தேர்தலில் தவெக எதிராக புரட்சித் தலைவி அம்மாவின் தொண்டர்கள் அனைவரும் ஒன்றிணைந்து செயல்படப் போவதாகவும், மதுராந்தகம் மற்றும் தாராபுரம் ஆகிய இரு தொகுதிகளிலும் அதிமுக வெற்றி பெற அமமுக தனது முழு ஆதரவை வழங்கும் என்றும் அதிரடியாக அறிவித்துள்ளார்.

செய்தியாளர்கள் சந்திப்பில் தவெக அரசை மிகக் கடுமையாகச் சாடிய டிடிவி தினகரன், கடந்த சட்டமன்றத் தேர்தலில் அதிமுகவின் இரட்டை இலைச் சின்னத்தில் நின்று வெற்றி பெற்ற மரகதம் குமரவேல் மற்றும் சத்யபாமா ஆகியோர், தங்களுக்குப் வாக்களித்த தொகுதி மக்களுக்கும், தங்களை வாழ வைத்த அண்ணா திராவிட முன்னேற்றக் கழகத்திற்கும் மிகப்பெரிய துரோகத்தை இழைத்துவிட்டுத் தங்களது சுயநலத்திற்காக தவெக-வில் இணைந்துள்ளதாகக் குற்றம் சாட்டினார்.

அதிமுக மற்றும் அமமுக ஆகிய இரு கட்சிகளும் ஒட்டுமொத்தமாக ஒன்றாக இணைக்கப்படப் போவதாகச் சமூக வலைத்தளங்கள் மற்றும் அரசியல் வட்டாரங்களில் பரவி வரும் செய்திகளில் எவ்வித உண்மையும் இல்லை என்று டிடிவி தினகரன் மிகத் தெளிவாக மறுப்பு தெரிவித்தார். 

மேலும், தவெக அரசுக்கு எதிராக இந்த இரண்டு தொகுதிகளுக்கான இடைத்தேர்தலில் இரு கட்சிகளும் இணைந்து ஒரு பொதுவான வேட்பாளரை (Common Candidate) நிறுத்தலாமா அல்லது தனித்தனியாகக் களம் காணலாமா என்பது குறித்துத் தங்களது கூட்டணியில் உள்ள பிற முக்கியத் தலைவர்களுடன் மிக விரிவாகக் கலந்து பேசி, ஓரிரு நாட்களில் தகுந்த இறுதி முடிவை எடுக்கவுள்ளதாகத் தெரிவித்தார்.