டாட் ஸ்கூல் ஆஃப் டிசைன் கல்லூரியில் ஜப்பான் மொழி படிப்பு அறிமுகம்

டாட் ஸ்கூல் ஆஃப் டிசைன் கல்லூரியில் ஜப்பான் மொழிப் படிப்பு அறிமுகம் செய்யப்பட்டுள்ளது. இதன்மூலம் மாணவர்களுக்கு சர்வதேச வேலை மற்றும் தொழில் வாய்ப்புகள் அதிகரிக்கும் என எதிர்பார்க்கப்படுகிறது.

காரைக்குடி, அழகப்பா பல்கலைக்கழகத்துடன் இணைக்கப்பட்ட டாட் ஸ்கூல் ஆஃப் டிசைன் (DOT School of Design), ஜிங் லாங்குவேஜஸ் (Zing Languages) கல்வி நிறுவனத்துடன் இணைந்து, அண்மையில் (21 ஆகஸ்ட் 2026 அன்று) ஜப்பானிய மொழிப் படிப்பைத் தொடங்கியுள்ளது. இதன் மூலம், மாணவ வடிவமைப்பாளர்களை உலகளாவிய வேலை மற்றும் தொழில் வாய்ப்புகளுக்குத் தயார்படுத்தும் அதன் தொலைநோக்கு மேலும் வலுப்பெற்றுள்ளது. 

மியான்மர் ஒன்றியக் குடியரசின் கௌரவத் தூதர் பேராசிரியர் ரங்கநாதன் மற்றும் இரயில்வே அமைச்சகத்தின் முதன்மை நிதி அலுவலரும் (CFO), நிதி ஆலோசகருமாகிய திரு. பி. இளங்கோவன் ஆகியோர் முன்னிலையில், சென்னை, அம்பத்தூர், டாட் ஸ்கூல் ஆஃப் டிசைன் கல்லூரி வளாகத்தில் இந்தப் படிப்பு தொடங்கப்பட்டது.  இந்த முன்னெடுப்பு, தற்போது   டாட் கல்லூரியின் குளோபல் டிசைன் ப்ரோக்ராம் (Global Design Programme)  படிப்பைக் கற்கும் 25-க்கும் மேற்பட்ட மாணவர்களுக்கு இந்தியாவிலும் சர்வதேசச் சந்தைகளிலும் பணியாற்ற வாய்ப்புகளை உருவாக்கும். மேலும், இந்தப் பாடத் திட்டம், டாட் கல்லூரியில் பி டெஸ் (B Des) மற்றும் எம் டெஸ் (M Des) பட்டப் படிப்புகளைக் கற்கும் மாணவர்களுக்கு, சர்வதேச அனுபவம், உலகளாவிய தொழில் நோக்கம், ஒரு சர்வதேச கல்விப் பயணம் ஆகியவற்றை ஒருங்கிணைக்கும். 

இதன் தொடக்க விழாவில் உரையாற்றிய டாட் ஸ்கூல் ஆஃப் டிசைன் கல்வி நிறுவனத் தலைவர் டாக்டர் ஏஆர். ஆர். ராம்நாத். (Dr. AR. R. Raammnath), “டாட் கல்லூரியில், நாளைய வடிவமைப்பாளர் உலகளவில் வேலை வாய்ப்புக்குத் தகுதியானவராக இருக்க வேண்டும் என்று நாங்கள் நம்புகிறோம். வடிவமைப்பு திறன்கள் இன்று அதிகளவில் பொதுவானவையாகி வருகின்றன; ஆனால் ஒருவர் பணிபுரியும் சந்தையின் மொழியில் தொடர்பு கொள்ளும் திறன், குறிப்பிடத்தக்க வேறுபாட்டை உருவாக்க முடியும். ஜப்பானிய மொழி என்பது சென்னை நகரைச் சேர்ந்த வடிவமைப்பாளர்களை ஜப்பான் மற்றும் பிற உலக சந்தைகளில் தொழில்முறை வாய்ப்புகளை ஆராயத் தயார்ப்படுத்தும் எங்களின் முதல் படியாகும்” என்றார். 

ஜப்பானிய மொழியைத் தேர்ந்தெடுத்ததற்கான காரணத்தை விளக்கிய அவர், “ஜப்பான் ஒரு சர்வதேச வாய்ப்புப் பாதையை வழங்குகிறது. எங்கள் மாணவர்களின் வலுவான வடிவமைப்பு திறன்கள், தொழில்நுட்ப மற்றும் படைப்பாற்றல் நிபுணத்துவம், மேலும் ஜப்பானிய மொழித் திறன் ஆகியவற்றின் இணைப்பு உலகளாவிய தொழில் வாய்ப்புகளுக்கான புதிய பாதைகளைத் திறக்க முடியும். 70 ஆண்டுகளுக்கும் மேலான பாரம்பரியத்தைக் கொண்ட ஜாப்பனீஸ் இண்டஸ்ட்ரியல் டிசைன் அசோசியேசன் (Japanese Industrial Design Association - (JIDA) உடனான எங்கள் கூட்டாண்மை, ஜப்பானிய மொழியில் திறம்பட தொடர்பு கொள்ளக்கூடிய சாத்தியத்தை மேலும் வலுப்படுத்துகிறது” என்றார்.

“இந்த முயற்சி, திறன் மற்றும் மனிதவளப் பரிமாற்றம் குறித்த இந்தியா–ஜப்பான் கவனம் அதிகரித்து வருவதுடன், 2025 இந்தியா - ஜப்பான் ஆக்ஷன் பிளான் (India–Japan Action Plan) உடனும் ஒத்துப்போகிறது. இந்தத் திட்டம், இந்தியாவில் ஜப்பானிய மொழிக் கல்வியை ஊக்குவிப்பதோடு, இரு நாடுகளுக்கிடையே திறமையான பணியாளர்களின் பரிமாற்றத்தை விரிவுபடுத்தவும், ஜப்பானிய நிறுவனங்களுக்கும் இந்திய மாணவர்களுக்கும் இடையிலான தொடர்புகளை வலுப்படுத்தவும் நோக்கம் கொள்கிறது. டாட் கல்லூரியில், எங்கள் மாணவர்கள் வடிவமைப்பைக் கற்றுக் கொள்வதோடு நின்றுவிடக் கூடாது என்பதே எங்கள் விருப்பம். அவர்களின் வடிவமைப்புத் தொழிலை உலகம் முழுவதும் கொண்டு செல்லத் தேவையான திறன்கள், மொழி மற்றும் உலகளாவிய அனுபவத்துடன் அவர்களைப் பொருத்தமாகத் தயார்ப்படுத்த விரும்புகிறோம்” என்று அவர் மேலும் கூறினார். 

ஜிங் லாங்குவேஜஸ் மூலம் டாட் மாணவர்களுக்கு முதற்கட்டமாக ஜே.எல்.பி.டி. (JLPT)  என் 5 (N5) மற்றும் என் 4 (N4) நிலைகளில் ஜப்பான் மொழி கற்பிக்கப்படும். 

ஜப்பானில் தொழில்முறை வாய்ப்புகளைத் தொடர விரும்பும் மாணவர்களுக்கு பின்னர் என் 3 (N3), என் 2 (N2) மற்றும் என் 1 (N1) நிலைகளுக்கு முன்னேறும் வாய்ப்பு வழங்கப்படும். இவை ஜப்பானிய மொழித் திறனின் மேம்பட்ட நிலைகளை குறிக்கின்றன. 

ஜிங் லாங்குவேஜஸ் நிறுவனம் ஆசிரியர்கள், கட்டமைக்கப்பட்ட பயிற்சி, நடைமுறைத் தொடர்பாடல் மற்றும் நேரடி மொழிப் பயிற்சி ஆகியவற்றை வழங்கி, மாணவர்கள் அவர்களின் வடிவமைப்பு கல்வியுடன் இணைந்து ஜப்பானிய மொழியில் வலுவான அடித்தளத்தை உருவாக்கும்.

டாட் கல்லூரி  பற்றி 

2020-இல் நிறுவப்பட்ட டாட் ஸ்கூல் ஆஃப் டிசைன், காரைக்குடியில் உள்ள அழகப்பா பல்கலைக்கழகத்துடன் இணைக்கப்பட்ட பல்துறை வடிவமைப்பு கல்வி நிறுவனம் ஆகும். இது டிசைன் துறையில் இளநிலை மற்றும் முதுநிலைப் படிப்புகளை  வழங்குகிறது, அதில் நான்கு சிறப்புப் பிரிவுகளைக் கொண்ட நான்கு ஆண்டு பி டெஸ் (B Des) படிப்பும், மூன்று சிறப்புப் பிரிவுகளைக்  கொண்ட இரண்டு ஆண்டு எம் டெஸ் (M Des) படிப்பும் அடங்கும். தொடர்ந்து வளர்ந்து வரும், தொழில்துறை சார்ந்த பாடத்திட்டம் மற்றும் சர்வதேச கூட்டாண்மைகளுடன், மாணவர்களுக்கு பல்துறைத் திறன்கள், சர்வதேச அனுபவம் மற்றும்  தொழில் வாய்ப்புகளை வழங்கி,  போட்டித்திறன் கொண்ட வடிவமைப்பாளர்களை வளர்ப்பதில் உறுதியாக செயல்படுகிறது. 

கூடுதல் தகவல்கள் மற்றும் ஊடக விசாரணைகளுக்கு: https://www.dotsod.in/