விஜய்யின் கடைசி படமான ‘ஜனநாயகன்’ திட்டமிட்டபடி ஜனவரி 9ம் தேதி வெளியாவதில் சிக்கல் ஏற்பட்டுள்ளது. தணிக்கை சான்று கோரி சென்னை உயர்நீதிமன்றத்தில் பட தயாரிப்பு நிறுவனம் தொடுத்த வழக்கில், ஜனவரி 9ம் தேதி காலைக்குள் தீர்ப்பு என்பதால் பட வெளியீட்டில் பெரும் குழப்பம் ஏற்பட்டது.
இயக்குனர் எச்.வினோத் இயக்கத்தில் நடிகர் விஜய்,நடிகை பூஜா ஹெக்டே, மமிதா பைஜூ உள்ளிட்டோர் நடிப்பில் ஜனநாயகன் திரைப்படம் உருவாகி உள்ளது. பொங்கல் பண்டிகையையொட்டி வரும் 9ஆம் தேதி திரையரங்குகளில் ரிலீஸாக இருப்பதாக அறிவிக்கப்பட்டுள்ளது. இந்நிலையில் இதுவரை ஜனநாயகன் படத்திற்கு தணிக்கைச் சான்றிதழ் வழங்கப்படவில்லை. படத்திற்கான அனைத்து பணிகளையும் முடித்து கடந்த மாதம் தணிக்கைக்காக படக்குழு அனுப்பியது. தொடர்ந்து டிசம்பர் 19-ஆம் தேதி படத்தை பார்த்த தணிக்கைக்குழு, சில காட்சிகளை நீக்கவும், சில வசனங்களை மியூட் செய்யவும் அறிவுறுத்தியதாக கூறப்படுகிறது.
இந்நிலையில் விஜய்யின் கடைசி படமான ‘ஜனநாயகன்’ விஜய்யின் கடைசி படமான ‘ஜனநாயகன்’ திட்டமிட்டபடி ஜனவரி 9ம் தேதி வெளியாகாது என்றும், ரிலீஸ் ஒத்திவைக்கப்படுவதாகவும் படக்குழு அறிவித்துள்ளது. இதுதொடர்பாக படக்குழு வெளியிட்டுள்ள அறிவிப்பில், சிங்கம் பாய்ச்சலுக்கு முன்னர் 2 அடி பின்னால் அடி எடுத்து வைக்கும் எனக் கூறியுள்ளது.