போஸ்ட் ஆபிஸ் நேர வைப்புத்தொகை (POTD) திட்டம், ஆபத்து இல்லாத முதலீட்டு திட்டமாக பார்க்கப்படுகிறது. இது நியாயமான வட்டி விகிதத்தையும் வழங்குகிறது. இதன் விளைவாக முதலீட்டில் சிறந்த வருமானம் கிடைக்கும். இந்தத் திட்டத்தின் கீழ், முதலீட்டாளர்களுக்கு 7.5 சதவீத வட்டி விகிதம் கிடைக்கும். இது ஒரு பாதுகாப்பான முதலீடு மட்டுமல்ல, இந்த அரசுத் திட்டம் வரிச் சலுகைகளையும் வழங்குகிறது. இந்தத் திட்டத்தில் நீங்கள் ஐந்து ஆண்டுகள் வரை முதலீடு செய்யலாம்.
போஸ்ட் ஆபிஸ் நேர வைப்புத் திட்டத்தின் கீழ், முதலீட்டாளர்கள் வெவ்வேறு காலகட்டங்களில் முதலீடு செய்யலாம். அந்த வகையில், இந்த திட்டம் 1 ஆண்டு, 2 ஆண்டுகள், 3 ஆண்டுகள் மற்றும் 5 ஆண்டுகளுக்கு பணத்தை டெபாசிட் செய்யும் விருப்பத்தை வழங்குகிறது. வெவ்வேறு காலகட்டங்களுக்கான வட்டி விகிதங்களைப் பார்த்தால், ஒரு வருடத்திற்கு முதலீடு செய்தால் 6.9% வட்டி கிடைக்கும். அதுவே, இரண்டு அல்லது மூன்று ஆண்டுகளுக்கு முதலீடு செய்தால் 7% வட்டியும், ஐந்து ஆண்டுகளுக்கு முதலீடு செய்தால் 7.5% வட்டி கிடைக்கும்.
ரூ.2 லட்சம் முதலீடு செய்தால் எவ்வளவு சம்பாதிக்கலாம்? இந்த போஸ்ட் ஆபிஸ் திட்டம் தனித்துவமானது. ஏனெனில், முதலீட்டாளர்கள் வட்டியிலிருந்து மட்டுமே கணிசமான வருமானத்தைப் பெற முடியும். அதிகபட்ச லாபத்திற்கு, நீங்கள் 5 ஆண்டு விருப்பத்தைத் தேர்ந்தெடுப்பது லாபகரமானதாக இருக்கும். உதாரணமாக, ஒருவர் 5 ஆண்டுகளுக்கு நேர வைப்புத்தொகை திட்டத்தில் 2 லட்சம் ரூபாய் முதலீடு செய்கிறார் என்று வைத்துக் கொள்வோம். 7.5% வட்டி விகிதத்தின்படி, மொத்த தொகை 2,89,990 ரூபாய் ஆகும். வட்டித் தொகை 89,990 ரூபாய் ஆக இருக்கும்.
முதலீட்டுத் தொகையை அதிகரிப்பதன் மூலம் வட்டியிலிருந்து அதிக வருமானம் ஈட்ட முடியும். உதாரணமாக, ஒரு முதலீட்டாளர் இந்த தபால் அலுவலகத் திட்டத்தில் ஐந்து ஆண்டுகளுக்கு 5 லட்சம் ரூபாய் முதலீடு செய்தால், கிடைக்கும் வட்டி 10,000 ரூபாய் ஆக இருக்கும். அவரது டெபாசிட் நிதி 7,24,974 ரூபாய் ஆகும்.