Google Maps புதிய அப்டேட்கள் Android மற்றும் iOS பயனாளர்களுக்காகவும் கிடைக்கப்பெறவுள்ளன. Gemini ஒருங்கிணைப்பின் மூலம், பயணிகள் தற்போது வாகனம் ஓட்டும் போதே அதனுடன் உரையாட முடியும். எடுத்துக்காட்டாக, வழியில் உள்ள ஓட்டல்கள், உணவகங்கள், அவற்றின் மதிப்பீடுகள் போன்றவற்றை கேட்டு தெரிந்து கொள்ளலாம். மேலும், ஜெமினி அந்த தகவல்களை சுருக்கமாக வழங்கி, ஓட்டுநர்களுக்கு பயணத்தின் போது எளிதில் அணுகக்கூடிய வடிவில் தரும்.
இத்துடன், ஜெமினி வழியாக பயணிகள் Gmail மற்றும் காலாண்டல் போன்ற பயன்பாடுகளுடன் இணைத்து, அவர்கள் திட்டமிட்ட இடங்களை தானாகவே மேப்ஸில் சேர்க்கவும் முடியும். இது பயண திட்டமிடலை இன்னும் சிறப்பாக ஆக்கும். மேலும், Gemini வலைத்தளங்களிலும், மேப்ஸ் விமர்சனங்களிலும் உள்ள தகவல்களை பகுப்பாய்வு செய்து, பயனாளர்களுக்கு அந்த இடம் குறித்து பயனுள்ள குறிப்புகள் மற்றும் நடைமுறைக்கு ஏற்ற ஆலோசனைகளை வழங்கும்.
பாதுகாப்பு நோக்கில், கூகுள் மேப்ஸ் டெல்லி, மும்பை, பெங்களூரு நகரங்களில் விபத்து ஆபத்துள்ள பகுதிகள் குறித்து முன்எச்சரிக்கை வழங்கும். இதன்மூலம் ஓட்டுநர்கள் ஆபத்தான இடங்களில் வேகத்தை குறைக்கவோ அல்லது மாற்று வழிகளை தேர்ந்தெடுக்கவோ முடியும். இதேபோல், தேசிய நெடுஞ்சாலை ஆணையமான NHAIயின் நேரடி தரவுகளைப் பெற்று, சாலையில் ஏற்படும் போக்குவரத்து தடைகள் அல்லது விபத்துகள் பற்றிய real-time alert களையும் வழங்கும்.
இந்த வசதி முதலில் குருகிராம், ஹைதராபாத், சந்தீகர் மற்றும் பாரிதாபாத் பகுதிகளில் அறிமுகப்படுத்தப்படுகிறது. கூடுதலாக, மேப்ஸ் தற்போது வேகமானியின் (Speedometer) கீழ் official speed limit ஐக் காட்டும் புதிய அம்சத்தையும் கொண்டுவருகிறது. இது ஹைதராபாத், குருகிராம், கோல்கத்தா, மும்பை, நொய்டா, ஜெய்ப்பூர், லக்னோ, பாரிதாபாத், காசியாபாத் ஆகிய ஒன்பது நகரங்களில் அறிமுகமாகிறது.
இரு சக்கர வாகன ஓட்டுநர்களுக்காக, மேப்ஸ் புதிய அவதார் வசதியையும் வழங்குகிறது. பயனாளர்கள் தங்களது வாகனத்தைக் காட்ட கிளாசிக் பைக், ஸ்போர்ட்ஸ் பைக் அல்லது ஸ்கூட்டர் போன்ற வடிவங்களில் எட்டு நிறங்களில் ஒன்றைத் தேர்வு செய்யலாம். மேலும், 9 இந்திய மொழிகளில் வழிகாட்டும் குரல் வசதியும் வழங்கப்படும்.
பயண மேலாண்மையை எளிதாக்கும் வகையில், கூகுல் வாலட் இணைப்பும் வழங்கப்படுகிறது. இதன் மூலம் பயணிகள் மெட்ரோ டிக்கெட்டுகளை வாங்கியவுடன், அவற்றை நேரடியாக கூகுல் வாலட்டில் சேமித்து, Maps வழியாக தங்களது பயணத்தின் போது எளிதில் அணுக முடியும்.
இந்த புதிய அப்டேட்கள் குறித்து, Google Maps India நிறுவனத்தின் பொது மேலாளர் லலிதா ரமணி கூறியதாவது: இந்தியாவுக்கான எங்கள் அணுகுமுறை எப்போதும் செயற்கை நுண்ணறிவை உள்ளூர் தேவைகளுடன் இணைப்பதாகும். ஜெமினி இணைப்பு மூலம் மேப்ஸ் இன்று பெரிய முன்னேற்றத்தை கண்டுள்ளது. இது பயணத்தை புத்திசாலித்தனமாகவும் பாதுகாப்பாகவும் மாற்றும். அதே சமயம், தேசிய நெடுஞ்சாலை ஆணையத்துடன் இணைந்து வழங்கப்படும் நேரடி தகவல்கள் மற்றும் விபத்து எச்சரிக்கைகள், இந்திய பயணிகளுக்கான எங்கள் உறுதிப்பாட்டை வெளிப்படுத்துகின்றன, என்று தெரிவித்தார்.