மீண்டும் வேலையை காட்டிய தங்கம் விலை...! இன்று எவ்வளவு உயர்ந்தது தெரியுமா?

சென்னையில் ஆபரண தங்கத்தின் விலை ஒவ்வொரு நாளும் ஏற்ற இறக்கங்களை சந்தித்து வருகிறது. சர்வதேச பொருளாதார நிலை மற்றும் டாலருக்கு நிகரான இந்திய ரூபாயின் மதிப்பு உள்ளிட்ட காரணங்களால் தினமும் தங்கம் விலையில் மாற்றம் ஏற்படுகிறது. கடந்த வெள்ளி கிழமை ஆபரண தங்கத்தின் விலை சவரனுக்கு ரூ.160 குறைந்து ஒரு சவரன் தங்கம் ரூ.70,040க்கு விற்பனை செய்யப்பட்டது. சனிக்கிழமை ஆபரண தங்கத்தில் எந்த மாற்றமும் இல்லை.

இந்த நிலையில், இன்று தங்கம் விலை உயர்ந்துள்ளது. சென்னையில் இன்று 22 கேரட் ஆபரண தங்கத்தின் விலை சவரனுக்கு ரூ.160 உயர்ந்து ஒரு சவரன் ரூ.70,200க்கு விற்பனை செய்யப்பட்டு வருகிறது. இதேபோல் தங்கம் விலை கிராமுக்கு 20 ரூபாய் உயர்ந்து ஒரு கிராம் ஆபரண தங்கம் ரூ.8,775க்கு விற்பனை செய்யப்பட்டு வருகிறது. வெள்ளி விலை மாற்றமின்றி கிராம் ரூ.108க்கு விற்பனை செய்யப்பட்டு வருகிறது.