இல்லத்தரசிகளுக்கு ஷாக் நியூஸ்! ஒரு சவரன் தங்கம் ரூ.72,000ஐ தாண்டியது!

சென்னையில் இன்று 22 கேரட் ஆபரண தங்கத்தின் விலை சவரனுக்கு ரூ.560 அதிகரித்து ரூ.72,120க்கு விற்பனை செய்யப்பட்டு வருகிறது.

சென்னையில் ஆபரண தங்கத்தின் விலை ஒவ்வொரு நாளும் ஏற்ற இறக்கங்களை சந்தித்து வருகிறது. சர்வதேச பொருளாதார நிலை மற்றும் டாலருக்கு நிகரான இந்திய ரூபாயின் மதிப்பு உள்ளிட்ட காரணங்களால் தினமும் தங்கம் விலையில் மாற்றம் ஏற்படுகிறது. கடந்த வாரம் வெள்ளிக் கிழமை சவரனுக்கு ரூ.200 உயர்ந்து, ஒரு சவரன் ரூ.71,560க்கு விற்பனையானது. சனிகிழமை ஆபரண தங்கத்தின் விலை எந்தவித மாற்றமும் இல்லை. 

இந்த நிலையில், இன்று தங்கம் விலை அதிரடியாக உயர்ந்துள்ளது. சென்னையில் இன்று 22 கேரட் ஆபரண தங்கத்தின் விலை சவரனுக்கு ரூ.560 அதிகரித்து ரூ.72,120க்கு விற்பனை செய்யப்பட்டு வருகிறது. இதேபோல் ஆபரண தங்கம் கிராமுக்கு ரூ. 70 உயர்ந்து ஒரு கிராம் தங்கம் ரூ. 9,015-க்கு விற்பனை செய்யப்பட்டு வருகிறது.