சென்னையில் இன்று 22 கேரட் ஆபரண தங்கத்தின் விலை சவரனுக்கு 400 ரூபாய் அதிகரித்து ஒரு சவரன் தங்கம் ரூ.68,480க்கு விற்பனை செய்யப்பட்டு வருகிறது.
சென்னையில் ஆபரண தங்கத்தின் விலை ஒவ்வொரு நாளும் ஏற்ற இறக்கங்களை சந்தித்து வருகிறது. சர்வதேச பொருளாதார நிலை மற்றும் டாலருக்கு நிகரான இந்திய ரூபாயின் மதிப்பு உள்ளிட்ட காரணங்களால் தினமும் தங்கம் விலையில் மாற்றம் ஏற்படுகிறது. உலக அளவிலான போர் பதற்றம், அமெரிக்க பொருளாதாரம் உள்ளிட்ட காரணங்களால் 2024-25 ஆம் நிதியாண்டில் தங்கத்தின் விலை வரலாறு காணாத வகையில் உயர்ந்துள்ளது. கடந்த செவ்வாய் கிழமை ஆபரண தங்கம் சவரனுக்கு ரூ.680 உயர்ந்து ரூ.68,080க்கு விற்பனை செய்யப்பட்டது. நேற்று தங்கம் விலையில் எந்தவித மாற்றமும் இல்லை.
இந்த நிலையில், இன்று தங்கம் விலை அதிரடியாக உயர்ந்துள்ளது. சென்னையில் இன்று 22 கேரட் ஆபரண தங்கத்தின் விலை சவரனுக்கு 400 ரூபாய் அதிகரித்து ஒரு சவரன் தங்கம் ரூ.68,480க்கு விற்பனை செய்யப்பட்டு வருகிறது. இதேபோல் ஆபரண தங்கம் கிராமுக்கு 50 ரூபாய் அதிகரித்து ஒரு கிராம் தங்கம் ரூ.8,560க்கு விற்பனை செய்யப்பட்டு வருகிறது. தங்கம் விலை தொடர்ந்து உயர்ந்து வருவதால் இல்லத்தரசிகள் கவலை அடைந்துள்ளனர்.