மீண்டும் அதிகரித்த தங்கம் விலை! இன்றைய நிலவரம் என்ன தெரியுமா?

சென்னையில் ஆபரண தங்கத்தின் விலை ஒவ்வொரு நாளும் ஏற்ற இறக்கங்களை சந்தித்து வருகிறது. சர்வதேச பொருளாதார நிலை மற்றும் டாலருக்கு நிகரான இந்திய ரூபாயின் மதிப்பு உள்ளிட்ட காரணங்களால் தினமும் தங்கம் விலையில் மாற்றம் ஏற்படுகிறது. செவ்வாய் கிழமை சென்னையில் ஆபரண தங்கத்தின் விலை சவரனுக்கு ரூ.560 உயர்ந்து ஒரு சவரன் தங்கம் ரூ.64,080 க்கு விற்பனை செய்யப்பட்டது. புதன் கிழமை ஆபரண தங்கத்தின் விலை சவரனுக்கு ரூ.440 உயர்ந்து ஒரு சவரன் தங்கம் ரூ.64,520 க்கு விற்பனையானது. விழாழனன்று காலை சவரனுக்கு ரூ.360 குறைந்த நிலையில், மதியம் ₹320 அதிகரித்தது. நேற்று ஆபரணத் தங்கத்தின் விலை சவரனுக்கு ₹240 குறைந்து ஒரு சவரன் ரூ.64,240க்கு விற்பனையானது.

இந்த நிலையில், இன்று தங்கம் விலை அதிகரித்துள்ளது. சென்னையில் இன்று 22 கேரட் ஆபரணத் தங்கத்தின் விலை சவரனுக்கு ₹80 அதிகரித்து ஒரு சவரன் ரூ.64,320க்கு விற்பனையாகிறது. இதேபோல் ஆபரண தங்கம் கிராமுக்கு ரூ.10 அதிகரித்து ஒரு கிராம் தங்கம் ரூ.8,040க்கு விற்பனை செய்யப்பட்டு வருகிறது. தங்கம் விலை அதிகரித்துள்ளதால் இல்லத்தரசிகள் சற்று கவலை அடைந்துள்ளனர்.